ئالجىرىيە ئاۋىياتسىيە شىركىتىدىكى بىر ئەمەلدارنىڭ 24-ئىيۇل دەلىللىشىگە قارىغاندا ، مەزكۇر شىركەتنىڭ شۇ كۈنى ئالاقە ئۈزۈلۈپ قالغان يولوچىلار ئايروپىلانى چۈشۈپ كەتكەن . ئەمما چۈشۈپ كەتكەن ئورۇن ۋە سەۋەبى ئاشكارىلانمىغان .

‹‹مەركەز ئاگېنتلىقى ›› نىڭ خەۋىرىگە قارىغاندا ، مالى زۇڭتۇڭى كېيتا بۈگۈن مۇنۇلارنى بىلدۈرگەن ؛ ئالجىرىيە ئاۋىياتسىيە شىركىتىنىڭ يوقاپ كەتكەن يولۇچىلار ئايروپىلانىنىڭ قالدۇقلىرى مالىنىڭ شىمالىدىكى قۇملۇقتا بايقالدى . بۇ ئايروپىلاندا جەمئىي 116 يولۇچى بار بولۇپ ، بۇنىڭ 50 ى فىرانسىيەلىك .

كېيتا پايتەخت باماكودا سىياسىي ، دىنىي ۋە ئەل ئىچى رەھبەرلەر بىلەن كۆرۈشكەندە مۇنداق دېگەن : مەن ئەمدىلا مەلۇمات تاپشۇرۇۋالدىم ، ئايروپىلاننىڭ قالدۇقلىرى ئاگۇلخوك بىلەن كىدال ئارىسىدىكى رايوندا بايقالدى . لېكىن ئۇ تەپسىلىي ئەھۋاللارنى ئاشكارىلىمىغان .

ئاۋىياتسىيە شىركىتىنىڭ خادىمى ۋە ئەمەلدارلىرىنىڭ ئېيتىشىچە ، ئالجىرىيە ئاۋىياتسىيەسىنىڭ AH5017 نۆۋەتچى ئايروپىلانى بۇركىنا فاسونىڭ پايتەختى ۋاگادوگودىن ئالجىرىيە پايتەختى ئالجىرىيەگە قاراپ يولغا چىققان . ئەمما شۇ يەر ۋاقتى 24-ئىيۇل سەھەردە ئالاقە ئۈزۈلۈپ قالغان بولۇپ ، ئەينى چاغدا ئۇچۇش رايونىدا كۈچلۈك بوران-چاپقۇن بولۇۋاتقان ئىكەن .

فىرانسىيە زۇڭتۇڭى خوللاند مۇنۇلارنى بىلدۈردى : بۇ ئايروپىلان ئېھتىمال چۈشۈپ كەتكەندۇ ، بىز مالىدا تۇرۇشلۇق قىسىمنى ئايروپىلان قالدۇقلىرىنى ئىزدەشكە سەپەرۋەر قىلىمىز .