كەلپىن بازىرىدىن كۆرۈنۈش

يېقىندا، مەملىكەت بويىچە قانات يايدۇرۇلغان دۆلەت دەرىجىلىك ئېكولوگىيەلىك يېزا-بازارلارنى باھالاش پائالىيىتىدە كەلپىن ناھىيەسىنىڭ كەلپىن بازىرى دۆلەت دەرىجىلىك ‹‹ ئېكولوگىيەلىك يېزا-بازار ›› شەرىپىگە ئېرىشتى . ئىگىلىنىشىچە ، بۇ قېتىم شىنجاڭ ئۇيغۇر ئاپتونوم رايونىدىن 11 يېزا-بازار بۇ شەرەپكە ئېرىشكەن بولۇپ ، ئاقسۇ ۋىلايىتىدىن ئاقسۇ شەھىرىنىڭ ئىگەچى يېزىسى بىلەن كەلپىن بازىرى بار ئىكەن .
تونۇشتۇرۇلۇشىچە ، يېقىنقى يىللاردىن بۇيان ، كەلپىن بازىرى ناھىيەلىك پارتكوم ، خەلق ھۆكۈمىتىنىڭ ‹‹ كىچىك بولسىمۇ گۈزەل بولۇش ، كىچىك بولسىمۇ ئۆزگىچە بولۇش ، كىچىك بولسىمۇ ئەلا بولۇش ›› تىن ئىبارەت بازار قۇرۇشىدىكى ‹‹ ئۈچ كىچىك ›› تەرەققىيات ئىستراتېگىيەسىنى يولغا قويۇپ ، باغچىلاشقان ، ئېكولوگىيەلىك مۇھىتى گۈزەل زامانىۋى كىچىك بازار قۇرۇپ چىقىش سالمىقىنى زورايتقان . بازار ئەتراپىدا 10 مىڭ مو ئېكولوگىيەلىك ئىھاتە ئورمانلىقى بەرپا قىلىش ئاساسىدا ئىلگىرى-ئاخىرى بولۇپ ، 50 مىليون يۈەندىن ئارتۇق مەبلەغ سېلىپ ، بازارنىڭ پىيادىلەر يولىنى 10 مىڭ كىۋادرات مېتىردىن كۆپرەك ئۇزارتىپ ، 20 مىڭ تۈپتىن ئارتۇق مەنزىرە دەرىخى تىككەن ، يېڭىدىن خەلق باغچىسى، ئېكولوگىيە باغچىسى ، ئايدىڭكۆل باغچىسى مەركىزىي مەدەنىيەت مەيدانى قۇرۇپ ، بازارنىڭ يېشىللىشىش نىسبىتىنى %19.2گە ، كىشى بېشىغا توغرا كېلىدىغان ئاممىۋى يېشىللىق كۆلىمىنى %12.9 كە يەتكۈزۈپ ، ئوخشاش تۈردە ۋىلايەت بويىچە ئالدىنقى قاتارغا ئۆتكەن . يەنە بازىرىنىڭ سۇ بىلەن تەمىنلەش ، كېرەكسىز سۇنى چىقىرىۋېتىش ، مەركەزلەشتۈرۈپ پار بىلەن تەمىنلەش مۇئەسسەسەلىرىنى مۇكەممەللەشتۈرۈپ ، ئاھالىلارنىڭ ئىشلەپچىقىرىش ، تۇرمۇش شارائىتىنى زور دەرىجىدە ياخشىلىغان .