9-ئىيۇن ، مۇخبىرنىڭ شىنجاڭ ئۇيغۇر ئاپتونوم رايونلۇق 13-نۆۋەتلىك تەنھەرىكەت يىغىنى تەييارلىق كومىتېتىدىن ئىگىلىشىچە ، قاتلاممۇ قاتلام تاللاش نەتىجىسىدە ، بۇ نۆۋەتلىك تەنھەرىكەت يىغىنىنىڭ ئىزنىكى ۋە قۇت بۇيۇمى بېكىتىلگەن ، قۇت بۇيۇمى ‹‹ قارا رەڭلىك ماي تامچىسى ›› ۋە ‹‹ ئالتۇن رەڭلىك ماي تامچىسى ›› بولۇپ ، ئوغۇلغا ‹‹ قارا ››، قىزغا ‹‹ ماي ›› دەپ ئىسىم قويۇلغان .

ئىگىلىنىشىچە ، بېشى قارا رەڭلىك ماي تامچىسىغا ئوخشايدىغان ، ئۇچىسىغا قىپقىزىل خىزمەت كىيىمى كىيىۋالغان ‹‹قارا›› نېفىت شەھىرىنىڭ قۇرغۇچىلىرىغا ۋەكىل قىلىنغان ؛ بېشى ئالتۇن رەڭلىك ماي تامچىسىغا ئوخشايدىغان ، ئۇچىسىغا ئەتلەس كۆينەك كىيىۋالغان ‹‹ ماي ›› بولسا شىنجاڭنىڭ ئۆزىگە خاس يەرلىك ئالاھىدىلىكىنى نامايان قىلغان .
بۇنىڭدىن باشقا ، ئىزنەكتىكى سان ۋە ھەرپلەر كۆيۈۋاتقان مەشئەل ، ئەتلەس ، ماي تامچىسى ، تەڭرىتاغ قار لەيلىسى قاتارلىق ئامىللاردىن تەشكىللەنگەن .