8-ئىيۇن، مىسىر پايتەختى قاھىرەدىكى ئاساسىي قانۇن ئالىي سوت مەھكىمىسىدە ئۆتكۈزۈلگەن ۋەزىپىگە ئولتۇرۇش مۇراسىمىدا، مىسىرنىڭ يېڭى زۇڭتۇڭى سېسى سوتچى ئالدىدا قەسەم سۆزىنى ئوقۇماقتا

جۇڭگو ئاخبارات تورى 8-ئىيۇن تېلېگراممىسى : چەت ئەل تاراتقۇلىرىنىڭ خەۋىرىگە قارىغاندا ، مىسىرنىڭ يېڭى نۆۋەتلىك زۇڭتۇڭلۇقىغا سايلانغان سېسى شۇ يەر ۋاقتى 8-ئىيۇن چۈشتىن بۇرۇن ، مىسىردىكى ئاساسىي قانۇن ئالىي سوت مەھكىمىسىدە قەسەم بېرىپ ، ۋەزىپىگە ئولتۇرغان . ئۇ جۇمھۇرىيەت تۈزۈمىنى ساقلايدىغانلىقى ، ئاساسىي قانۇن ۋە باشقا قانۇن-تۈزۈملەرگە رىئايە قىلىدىغانلىقى ، خەلق مەنپەئىتىگە كۆڭۈل بۆلىدىغانلىقى ، دۆلەتنىڭ مۇستەقىللىقى ۋە زېمىن پۈتۈنلۈكىنى قوغدايدىغانلىقى ھەققىدە قەسەم بەرگەن .

ۋەزىپىگە ئولتۇرۇش مۇراسىمى ئاياغلاشقاندىن كېيىن ، سېسى نۇرغۇن ئەسكەر قاتتىق مۇھاپىزەت قىلىۋاتقان ئاساسىي قانۇن ئالىي سوت مەھكىمىسىدىن ئايرىلىپ ، زۇڭتۇڭ مەھكىمىسى ئۆتكۈزگەن ۋەزىپىگە ئولتۇرۇش مۇراسىمىغا قاتناشقان ۋە ھۆرمەت قاراۋۇللىرىنى كۆزدىن كەچۈرگەن . قوللىغۇچى ئامما قوللىرىغا كۆتۈرۈۋالغان دۆلەت بايرىقى ۋە سېسىنىڭ باش سۈرىتى چۈشۈرۈلگەن شارلارنى پۇلاڭلىتىپ ، ئۇنىڭغا بولغان ھۆرمىتىنى بىلدۈرگەن .

شۇ يەر ۋاقتى 3-ئىيۇن كەچ سائەت 7:00 دە ، مىسىرنىڭ ئالىي سايلام كومىتېتى مىسىر پايتەختى قاھىرەدە ئاخبارات ئېلان قىلىش يىغىنى ئېچىپ ، 2014-يىللىق زۇڭتۇڭ سايلىمىنىڭ ئەڭ ئاخىرقى نەتىجىسىنى ئېلان قىلغان : بىرىنچى نامزات ، سابىق ھەربىي ئەمەلدار سېسى تەخمىنەن 23 مىليون 780 مىڭ بېلەت ، %96.91 ئاۋاز بىلەن مىسىر زۇڭتۇڭلۇقىغا سايلانغان .

سېسى قەسەم سۆزىنى ئوقۇماقتا

ۋاقىتلىق زۇڭتۇڭ مەنسۇر ‹‹ ھوقۇق ئۆتكۈزۈش\پ بېرىش ھۆججىتى ›› گە ئىمزا قويماقتا

سېسى ۋە ۋاقىتلىق زۇڭتۇڭ مەنسۇر ۋەزىپىگە ئولتۇرۇش مۇراسىمىدا

سېسى ۋە سوتچىلار خاتىرە سۈرەتكە چۈشتى

سېسى زۇڭتۇڭ مەھكىمىسى ئۆتكۈزگەن ۋەزىپىگە ئولتۇرۇش مۇراسىمىدا ھۆرمەت قاراۋۇللىرىنى كۆزدىن كەچۈرمەكتە

سېسى زۇڭتۇڭ مەھكىمىسى ئۆتكۈزگەن ۋەزىپىگە ئولتۇرۇش مۇراسىمىدا ھۆرمەت قاراۋۇللىرىنى كۆزدىن كەچۈرمەكتە

سېسى زۇڭتۇڭ مەھكىمىسى ئۆتكۈزگەن ۋەزىپىگە ئولتۇرۇش مۇراسىمىدا ھۆرمەت قاراۋۇللىرىنى كۆزدىن كەچۈرمەكتە

ئاساسىي قانۇن ئالىي سوت مەھكىمىسىنى مۇھاپىزەت قىلىۋاتقان ئەسكەرلەر