پۇتبول تورى خەۋىرى لەگلەك تورى تەرجىمىسى

جۈمە كۈنى سەھەردە ئۆتكۈزۈلگەن ياۋروپا لوڭقىسىنى تالىشىش پۇتبول مۇسابىقىسىنىڭ ئالدىن تاللاش مۇسابىقىسىدە ئىسپانىيە 1-2 نەتىجە بىلەن سروفاكقا ئۇتتۇرۇپ قويدى. بۇ مەيدان مۇسابىقىدە ئىسپانىيە باشتىن ئاخىرى ئاكتىپلىق ھالىتىدە ئىدى، ئەكسچە ئۇلار رەقىبى تەرىپىدىن ئىختىيارى توپ كىرگۈزۈش ۋە تۇيۇقسىز قايتۇرما ھۇجۇم قىلىش سەۋەبىدىن ئىككى توپ ئۇتتۇرۇپ ئاخىرىدا بۇ مەيدان مۇسابىقىنى مەغلۇبىيەت بىلەن ئاخىرلاشتۇردى.

بۇ مەيدان مۇسابىقىدىن سۆز ئاچقاندا  ئىسپانىيە دۆلەت كوماندىسىنىڭ باش مەشقاۋۇلى بوسك مۇنداق دېدى:«بۇرۇنقى مۇسابىقىلەرگە سېلىشتۇرغاندا بىزنىڭ سىروفاك كوماندىسى بىلەن ئوينىغاندىكى ئىپادىمىزدە ھېچقانداق چوڭ ئوخشىماسلىق يوق.ماچتۇن ۋە سىروفاك كوماندىسىنىڭ ئۇسلۇبى ئوخشاش، بىز ئۇ مەيدان مۇسابىقىدىمۇ ئاكتىپ ھالەتتە ئىدۇق. ھەم ئاخىرىدا ئۇلارنى مەغلۇپ قىلدۇق.ئەمەىيەتتە سىروفاك مۇسابىقە جەريانىدا ئۇنچە كۆپ ياخشى پۇرسەتلەرنى يارىتالمىغانىدى. بىراق ئۇلار غەلبىلىك ھالدا ئىككى تو كىرگۈزدى. بىراق بىزنىڭ ئەھۋالىمىز پۈتۈنلەي ئەكسچە. بۇنداق ئىشمى چۈشەندۈرمەكمۇ ناھايىتى تەس كېلىدۇ. بەلكى بىزنىڭ تەلىيىمىز كەلمىگەندۇ.»

«ئېنىقكى ئەزالىرىمىز بىر توپ كىرگۈزۈلگەندىن كېيىن ھەممىسىنىڭ روھى چۈشۈپ كەتتى، بۇ توپ ئۇتتۇرغاندىن كېيىنكى نورمال ئەھۋال.بىز ھازىر لۇسىنبۇرگ بىلەن بولغان مۇسابىقىگە تەييارلىق قىلىۋاتىمىز. بىز چوقۇم ھېچقانداق بىخەستىلىك قىلماسلىقىمىز كېرەك. مېنىڭ شەخسى قارىشىم بويىچە ئېيتقاندا مېنىڭ ھازىرقى كەيپىياتىم يامان ئەمەس. گەرچە بۇنداق كەيپىياتنى تەڭشىۋالماق بەك قىيىن بولسىمۇ…»

سىروفاك كوماندىسى بىرىنچى توپنى كىرگۈزۈش جەريانىدا كاسىللاسقا ئەسلىدە توپنى توسىۋالالايدىغان پۇرسەت بار ئىدى. بىراق ئۇ ئۆزىنىڭ قول ھەرىكىتىنى كونتىرول قىلالمىغانىدى. توپ ئۇنىڭ ئالقىنىغا تېگىپ تۇرۇپمۇ يەنە ۋاراتارغا كىرىپ كەتتى. كاسىللاس بۇ ئىش ئۈچۈن بەزى ئاخبارات ۋاستىسى ۋە توپ مەستانىلەرنىڭ ئەيىبلىشىگە ئۇچرىدى.  بۇ ئىشقا قارىتا بوسك مۇنداق دېدى:«كوماندا ئۇتتۇرغاندىن كېيىن كىشىلەر دائىم بىر نەپەر توپچىنى بۇ مەغلۇبىيەتنىڭ سەۋەبكارى دەپ قارايدۇ. بۇ بىر خىل نورمال ئەھۋال. مېنىڭچە كاسىللاس ئۆز ۋەزىپىسىنى ناھايىتى ياخشى ئادا قىلدى، كىشىلەر ئۇنىڭ توپ كەتكۈزگىنىنىلا ئەمەس قالتىس ئىپادىلىرىگىمۇ قاراپ قويۇشى كېرەك ئىدى، ئىلگىرىكىگە سېلىشتۇرغاندا ئۇنىڭ ئىقتىدارى ھەرگىزمۇ تۆۋەنلەپ كەتمىگەن. سىروفاك بىلەن بولغان مۇسابىقە جەريانىدا، يەنى مۇسابىقە داۋاملىشىپ 15 مىنۇت بولغاندا كاسىللاس ناھايىتى ھالقىلىق بولغان توپتىن بىرنى توسۇۋالدى. بۇ كوماندىمىزنىڭ باشتىلا توپ كەتكۈزۈشىنىڭ ئالدىنى ئالدى. دۆلەت كوماندىسىغا نىسبەتەن ئېيتقاندا كاسىللاس ھەقىقەتەن قالتىس توپچى. كۆپچىلىك ئۇنىڭ ئۈچۈن پەخىرلەنسە بولىدۇ.»

«دىياگو كوستا؟ دۆلەت كوناندىسىنىڭ مۇسابىقىلىرىدە ئۇنىڭ تەلىيى ئانچە ئوڭدىن كەلمەيۋاتىدۇ.بىراق ئۇ ئىنگىلاند دەرىجىدىن تاشقىرى بىرلەشمە مۇسابىقىدە قالتىس ھۇجۇمچى. ئالدىنقى مۇسابىقە پەسلىدە ئۇ مادرىد رىقابەت كۇلۇبى ئۈچۈن ناھايىتى كۆپ توپ كىرگۈزدى. ئۇ ئۆزىنىڭ دۆلەت كوماندىسىدىمۇ توپ كىرگۈزۈشىنى ئۈمىد قىلىدۇ.بىراق قېرىشقاندەك توپ كىرگۈزەلمەسلىكى ئۇنىمۇ بەك بىئارام قىلىدۇ. ئىشىنىمەنكى ئۇ ناھايىتى تېزلا ئۆزىنى ئوڭشىۋالالايدۇ.»