مىسىرنىڭ زۇڭتۇڭ سايلىمى شۇ يەر ۋاقتى 26-مايدىن 27-مايغىچە ئېلىپ بېرىلىدۇ . بۇ سايلام مىسىرنىڭ ئۆتكۈنچى مۇساپىسىدىكى ھالقىلىق بىر قەدەم بولغانلىقى ئۈچۈن ، مىسىرنىڭ كەلگۈسى يۈزلىنىشىگە زور تەسىر پەيدا قىلىدۇ .

شۇ يەر ۋاقتى 25-ماي چۈشتىن كېيىن ، مىسىرنىڭ ۋاقىتلىق زۇڭتۇڭى مەنسۇر تېلېۋىزىيە ئارقىلىق ، بارلىق مىسىر ئاممىسىنى شۇ يەر ۋاقتى 26-، 27-ماي كۈنلىرى ئاكتىپلىق بىلەن بېلەت تاشلاپ ، زۇڭتۇڭ سايلىمىغا قاتنىشىشقا چاقىرغان .

زۇڭتۇڭ سايلىمى باشلىنىشى بىلەن ، مەنسۇرنىڭ ۋاقىتلىق زۇڭتۇڭ بولىدىغان كۈنلىرى ئاز قالدى . بۇلتۇر ئىيۇلنىڭ باشلىرىدىكى كەڭ كۆلەملىك زۇڭتۇڭغا قارشى نامايىشتىن كېيىن ، مىسىر ھەربىي تەرەپ شۇ چاغدىكى زۇڭتۇڭ مۇرسىينى ۋەزىپىسىدىن ئېلىپ تاشلاپ ، مىسىر ئاساسىي قانۇن ئالىي سوت مەھكىمىسىنىڭ باشلىقى مەنسۇرنى ۋاقىتلىق زۇڭتۇڭ قىلىپ سايلىغان .