ئامېرىكا ‹‹ نيۇيورك كۈندىلىك خەۋەرلىرى گېزىتى ›› نىڭ 20-ئاپرېلدىكى خەۋىرىگە قارىغاندا، ئامېرىكا يېڭى مېكسىكا ئىشتاتىدىكى 49 ياشلىق ئەر رودرېك نام قازانغان دەرەخ ئۆي لايىھەلىگۈچى بولۇپ، نۇرغۇنلىغان چولپانلارغا دەرەخ ئۆي لايىھەلەپ بەرگەن.
ئىگىلىنىشىچە، رودرېك ئۆتكەن نەچچە ئون يىل ئىچىدە خىزمەتداشلىرى بىلەن 60 قا يېقىن نەپىس ھەم كۆركەم ياغاچ ئۆي سالغان بولۇپ، بۇ ئۆيلەنىڭ ئىچىدە ئەڭ ئەرزىنى 50 مىڭ ئامېرىكا دوللىرى ( تەخمىنەن 310 مىڭ يۈەن خەلق پۇلى ) غا، ئەڭ قىممىتى 300 مىڭ ئامېرىكا دوللىرى ( تەخمىنەن 1 مىليون 860 مىڭ يۈەن خەلق پۇلى) غا پۈتكەن.
چولپانلارغا ياغاچ ئۆي سېلىپ بەرگەندىن سىرت، رودرېك يەنە پايدا ئالمايدىغان ئورگانلار ئۈچۈن ھەقىسز دەرەخ ئۆي سېلىپ بەرگەن. رودرېكنىڭ ئېيتىشىچە، ئۇ كىچىكىدىن تارتىپ دەرەخ ئۆيگە بەكمۇ ئامراق ئىكەن، 40 يىلغا يېقىن ۋاقىت ئىچىدە ئۇ ئارزۇسى ئۈچۈن توختىماي تىرىشىپ، ئاخىرى بالىلىقىدىكى ئارزۇسىنى ئەمەلگە ئاشۇرغان ئىكەن.