ئىزاھات-بىر نېرۋىسدىن ئادىشىپ قالغان سىچۈئەنلىك ئەر ئۆيدىن چىقىپ كىتىپ 17يىلدىن كىيىن سىچۈئەندىن خېنەنگە كېلىپ تۇيۇقسىز خېنەندىكى ھەدىسنىڭ ئۆيى ئالدىدا پەيدا بولدى.

ئىنىسنىڭ ‹‹تۇيۇقسىز ئاسماندىن چۈشكەندەك››لا پەيدا بولغنلىقنى كۆرۈپ ھەدە ئۆزىنى ئىنىسنىڭ  باغرىغا ئېتىپ  ئۆكسۈپ -ئۆكسۈپ ياش تۆكمەكتە ؛ئىنىسى بولسا  ئۈنسىز-تۈنسىز  كۈلۈپلا تۇراتتى ، ئەمما ئۇنىڭ كۆزىدىن ئاققان ياش ئاللىقاچان  ھەدىسنىڭ مۈرىسنى ھۆل قىلۋەتكەن ئىدى.

ئىنسى قانداق قىلىپ ھەدىسنىڭ ئۆيىنى تاپقان؟بۇ نېرۋىسى ئادىشىپ قالغان بىر ئادەمنىڭ كىشلىك دۇنيادا ياراتقان مۆجىزىسى ھەم قېرىنداشلىق مېھرى-مۇھاببەت رىۋايتىنىڭ قىزىق داستانى.

ئىنىسنىڭ ئىسمى لىيۇمېڭ ،1971-يىلى تۇغۇلغان،ھازىر 43 ياش.

ئاچىسى ليۇيۈجىننىڭ تۇنۇشتۇرشىچە: ئىنسى سىچۈئەن جىنتاڭ ناھيەسى يوۋشىن يىزىسى خوڭيۈئەن كەنتى 11-مەھەللىسدىن ئىكەن.تۇلۇقسىزنى پۈتتۈرگەندىن كىيىن 19يېشىدا ھەربىلىككە قاتناشقان ،ئۈچ يىل ھەربىيلىكتە تۇرغاندىن كىيىن نېرۋىسدا نورمالسىزلىق كۆرۈلۈپ ھەربىي سەپتىن قايىتقان.1994-يىلى يۇرتىغا قايتىپ كېلىپ ئىككىنجى يىلى توي قىلغان؛ 1995-يىلى ئۇنىڭ چوڭ قىزى تۇغۇلغان؛1997-يىلى ئىككىنجى قىزى تۇغۇلغان.

ليۇ يۈجىن ئەينى ۋاقتىنى ئەسلەپ:‹‹كىچىك قىزى تۇغۇلۇپ تېخى يېرىمياشقىمۇ توشمىغاندا ئىنىمنىڭ ئايالى كىچىك قىزنى ئېلىپ ئۆيدىن چىقىپ كەتكەن ئىدى ، كىلىن ئۆيدىن چىقىپ كىتىپ بىر ئايدىن كىيىن 1997-يىلى ئىنىم لىيۇمېڭمۇ چوڭ قىزىنى تاشلاپ ئۆيدىن چىقىپ كەتتى ، شۇندىن بېرى ئۇنىڭ ھېچقانداق ئىز-دېرىكى بولمىغان ئىدى›› دەيدۇ. ئۇ يەنە كۆز يېشىنى توختىتالماي ھەسرەتلىنىپ :‹‹ ئىنىم ئۆيدىن چىقىپ كەتكەن ئاشۇ يىلى ئاپام 71 ياشتا بۇلۇپ، يامغۇر ياكى قار يېغىپلا قالسا ئىنىمنىڭ ھۆل بۇلۇپ توڭلاپ كېتشىدىن ئەنسىرەپ  ئۆي ئىچىگە بىكىنۋېلىپ يىغلايتتى ،ئاپام لىيۇمېڭنى ئىزدەپ تاپىمەن دەپ ئون نەچچە يىلدىن بۇيان سىچۈئەن ،خېنەن قاتارلىق ئۆلكىلەردىكى يۈزدىن ئارتۇق شەھەرنى ئىزدەپ چىقتى .

ئوغلىنىڭ قارسىنمۇ كۆرەلمىگەن ئاپام بۇ يىل ئاللىقاچان 88 ياشقا كىرىپ قالغان بۇلۇپ ئەمدى قوزغىلىشقا پەقەتلا ئامالى قىلمىدى ،ھەركۈنى ئۆي ئىچىدە ‹‹تەڭرى››نىڭ ئىنىمنى ئۆز پاناھىدا ساقلىشنى تىلەپ ئولتۇردۇ.›› دىدى.

ھازىر 50ياشقا كىرىپ قالغان لىيۇ يۈجىن مۇنداق دەيدۇ:‹‹ مەن ئاساسەن ھەر يىلى دىگۈدەك سىچۈئەندىكى ئۆيگە قايتىپ تۇرىمەن،ئاپامنىڭ تەسىرى ئاستىدا مەنمۇ ھاۋا رايىغا دىققەت قىلدىغان يامغۇر ياكى قار يېغىپ قېلشىدىن ئەنسىرەپلا يۈردۈم.ئىلگىرىكى ئۈمۈدۈم 365 كۈننىڭ ھەممىسنىڭ ھاۋا ئوچۇق بۇلۇپ ،كۈندە سوغوق بولماسلىق ئىدى.››

31يىل ئىلگىرى لىيۇيۈجىن خېنەن ئۆلكىسنىڭ رۇنەن ناھىيەسى سۇندۈن كەنتىگە ياتلىق بۇلۇپ كەلگەن. ئۇنىڭ دىيشىچە:‹‹مەن 1982-يىلى بۇ يەرگە ياتلىق بۇلۇپ كەلدىم ،1984-يىلى باھار بايرىمدا مەن سىچۈئەندىكى ئاپامنىڭ ئۆيىگە قەيتىپ ھېيىت ئۆتكۈز گەنتىم ؛ بايرامدىن كىيىن لىيۇمېڭنى ئېلىپ خېنەنگە قايتىپ كەلدىم.

ئۇ كىچىك ۋاقتىدا تېخى نەچچە ئايلىقلا بوۋاق چېغىدا مەن ھەركۈنى ئۇنى كۆتۈرۋېلىپ يۈرەتتىم .باشلانغۇچ مەكتەپكە كىرگەندىن كىيىن ھەركۈنى ئۇنى مەكتەپكە ئاپىراتتىم. ئۇ مەن بىلەن ئەڭ يېقىن ئىدى. خېنەنگە كەلگەن ۋاقىتتا ئۇ تېخى 13 ياشتا بۇلۇپ، مېنىڭ ئۆيۈمدە ئۈچ ئايغا يېقىن ۋاقىت تۇرۇپ ئاندىن تۇلۇقسىز ئوتتۇرىغا ئارقىدىن ھەربىيلىككە كەتتى.يەنە ئارقىدىن نېرۋىسدىن ئادىشىپ قالدى.ئۇ يۇقاپ كەتكەن 17 يىل ئىچىدە، مەن ھەركۈنى ئۇ كېلىدىغان كۆۋرۈك تۈۋىگە بېرىپ ئۇنىڭ مۇشۇ يەردە مۆجىزلەرچە تۇيۇقسىزلا پەيدا بۇلۇپ قېلشىنى كۈتەتتىم››

بۇ يىل 4-ئاينىڭ 30-كۈنى چۈشتىن كىيىن لىيۇيۈجىن ئېتىزدىن  قايتىپ ئۆيىگە يېقىن قالغاندا بېشىنى كۆتۈرۈپ قاتتىق ھەيران قالغان:چوڭ دەرۋازا سىرتىدا بىر كىيىملىرى پاسكىنا بىر ئەر تۇراتتى. .ليۇيۈجىن شۇ دەقىقىنى ئەسلەپ مۇنداق دەيدۇ:‹‹ئۇ ئەرنىڭ بوي-تۇرقى ماڭا بەكمۇ تونۇش بىلىندى ،يېقىن كىلەي دىيشىمگە ئۇ بېشىنى كۆتۈرۈپ‹تۇنۇمىدىڭ ؟› دىدى ، قارىسام راستىنلا مەن زارىقىپ كۈتكەن ئىنىم ، شۇنىڭ بىلەن قاتتىق ۋارقىراپ يىغامنى تۇتۋالالماي ئۇنىڭ باغىرىغا ئۆزۈمنى ئاتتىم››

كەنىتتىكلەرنىڭ دەپ بىرشىچە:‹ جىن يۈ بىلەن ئۇنىڭ ئىنسى بىر-بىرنى قۇچاقلىشىپ كەچ كىرگىچە يىغلاشتى ،ئۇنىڭ ئىنسى ھەدىسنىڭ مۈرىسگە بېشىنى قۇيۋالغان بۇلۇپ، ئۈن-تۈنسىز كۈلۈپ تۇراتتى ،كۆزدىن ئاققان ياش ئاچىسنىڭ مۈرىسنى ھۆلدىگەن ئىدى.›› 

قېرىنداشلار قايتا ئۇچراشقان 10 كۈندىن بۇيان ئەگەر ھەدىسى گەپ سورىمسا لىيۇمېڭ كۈن بويى بىر ئېغىزمۇ گەپ قىلمىغان . لىيۇيۈجىن نەچچە قېتىم قانداق قىلىپ ئۆزىنى ئىزدەپ تاپالىغانلىقىنى سورىغاندا ئۇ پەقەت ‹‹خېنەن››،‹‹سۇيا كۆلى››،‹‹كۆۋرۈك›› دىگەن بىر قانچە سۆزنىلا قىلغان.مۇخبىرنىڭ زىيارەت جەريانىدا بىلشىچە، لىيۇمېڭ ھەدىسدىن باشقا ھېچقانداق ئادەمنى كۆرۈشنى خالىمايدىكەن.ھەتتا ئەينى ۋاقىتتا ئەمدىلا ئىككى ياشقا كىرگەن چوڭ قىزى دادسىنىڭ خەۋرىنى ئاڭلاپ يىتىپ كەلگەندىمۇ ئۆز قىزنىمۇ تۇنۇيالمىغان.

مۇتەخەسىسلەرنىڭ دىيشىچە لىيۇمېڭنىڭ نېرۋا كىسلى بەكمۇ ئېغىر بۇلۇپ پەقەتلا ھەدىسىگە بولغان قىممەتلىك مۇھاببەتلا ئۇنىڭ ئۆلكە ئاتلاپ ھەدسىنى تېپشىغا تۈرۈتكە بولغان.بۇ كىشلىك ھاياتتىكى بىر قېتىملىق مۆجىزە ھېسابلىندۇ، يەنە شۇنداقلا قېرىنداشلىق رىۋايىتنىڭ قىزغىن داستانىسى.