تەڭرىتاغ تورى خەۋىرى: 30-ئاپرېل، ئۈرۈمچى جەنۇبىي ۋوگزالىدا بىر قېتىملىق زوراۋانلىق، تېرورلۇق خاراكتېرىنى ئالغان پارتلىتىش دېلوسى يۈز بەردى. دېلو يۈز بەرگەندىن كېيىن، باش شۇجى شى جىنپىڭ مۇھىم يوليورۇق بەردى، ئاپتونوم رايونلۇق پارتكوم ۋە ھۆكۈمەت تېز سۈرئەتتە ھەرىكەتلىنىپ، كەسكىن بىر تەرەپ قىلىپ، ۋەقەنى 234 سائەت ئىچىدە پاش قىلدى.

دېلو يۈز بەرگەندىن كېيىن، جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسىنىڭ ئەزاسى، ئاپتونوم رايونلۇق پارتكومنىڭ شۇجىسى جاڭ چۈنشيەن دەرھال ئورۇنلاشتۇرۇش ئېلىپ بېرىپ، ئالاقىدار يولداشلارنى نەق مەيدانغا بېرىپ ئورۇنلاشتۇرۇشقا مەسئۇل قىلدى. يېرىم سائەت ئىچىدە، جاڭ چۈنشيەن جىددىي يىغىننى رىياسەتچىلىك قىلىپ ئېچىپ، نەق مەيداننى كونترول قىلىش، يارىدارلارنى قۇتقۇزۇش، دېلونى پاش قىلىش توغرىسىدا ئورۇنلاشتۇرۇش ئېلىپ باردى. سائەت 21:30 دا، جاڭ چۈنشيەن 2-قېتىملىق يىغىننى رىياسەتچىلىك قىلىپ ئېچىپ، دېلونى بىر تەرەپ قىلىش ۋە پۈتۈن شىنجاڭنىڭ ئومۇمىي ۋەزىيىتىنىڭ مۇقىملىق خىزمىتىگە قارىتا يەنە بىر قېتىم ئومۇميۈزلۈك ئورۇنلاشتۇرۇش ئېلىپ باردى. 5-ئاينىڭ 1-كۈنى، جاڭ چۈنشيەن ئاپتونوم رايونلۇق پارتكوم دائىمىي كومىتېتىنىڭ (كېڭەيتىلگەن) يىغىنىنى رىياسەتچىلىك قىلىپ ئېچىپ، باش شۇجى شى جىنپىڭنىڭ مۇھىم تەستىقىنىڭ روھىنى يەتكۈزۈپ، دېلو ئەھۋالىدىن خەۋەردار قىلدى، دېلودىن كېيىنكى بىر تەرەپ قىلىش ۋە پۈتۈن شىنجاڭنىڭ مۇقىملىق خىزمىتىنى يەنە ئورۇنلاشتۇردى.

جاڭ چۈنشيەن تەكىتلەپ مۇنداق دېدى: باش شۇجى شى جىنپىڭنىڭ شىنجاڭنى كۆزدىن كەچۈرگەندە قىلغان مۇھىم سۆزى ۋە تەستىقىنىڭ روھىنى چوڭقۇر ئۆگىنىپ ۋە ئىزچىللاشتۇرۇپ، تېرورلۇققا قارشى كۈرەشنى بىر مىنۇتمۇ بوشاشتۇرۇپ قويماي، تېرورچى ئۇنسۇرلارنى ھەيۋىسىنى يەرگە ئۇرۇش كېرەك. بۆلگۈنچىلىككە قارشى كۈرىشنىڭ ئۇزۇن مۇددەتلىكلىكى، مۇرەككەپلىكى ۋە كەسكىنلىكىگە بولغان تونۇشنى ئۈزلۈكسىز چوڭقۇرلاشتۇرۇپ، قاتتىق تەدبىرلەرنى قوللىنىپ، قىلچىمۇ يۇمشاق قوللۇق قىلماي، قاتتىق زەربە بېرىشتىى يۇقىرى بېسىملىق ھالەتنى باشتىن-ئاخىر ساقلاپ، مۇقىملىقنى قوغداشتا چىڭ تۇرۇشنى ھەرقانداق ۋاقىتتا بوش قويۇۋەتمەسلىك كېرەك. ئامما بىلەن مۇناسىۋەت باغلاپ، پۈتۈن شىنجاڭدىكى ھەر مىللەت خەلقىگە تايىنىپ، تېرورلۇققا قارشى تۇرۇشتىكى خەلق ئۇرۇشىنى ياخشى قىلىش كېرەك. يارىدارلارنى قۇتقۇشنى يەنىمۇ ياخشى ئىشلەپ، ئائىلە-تاۋابىئاتلىرىغا تەسەللىي بېرىش قاتارلىق دېلو بىر تەرەپ قىلىشتىن كېيىنكى خىزمەتلەرنى ياخشى ئىشلەپ كېرەك. جەمئىيەتنىڭ بىخەتەرلىكىگە ۋە مۇقىملىقىغا تەسىر يەتكۈزىدىغان ئاجىز ھالقىلارنىمۇ ئەستايىدىل تەكشۈرۈپ، توسالغۇلارنى ئېتىپ، ئىجتىمائىي ۋەزىيەتنىڭ مۇقىملىقىغا كاپالەتلىك قىلىش كېرەك.

دېلو يۈز بەرگەندىن كېيىن، ئاپتونوم رايونلۇق پارتكوم، خەلق ھۆكۈمىتىنىڭ بىر تۇتاش قوماندانلىقىدا، ئۈرۈمچى شەھىرى، ئاپتونوم رايوننىڭ جامائەت خەۋپسىزلىكى، سەھىيە قاتارلىق ئالاقىدار تارماقلىرى تېزلىكتە ھەرىكەتلەندى. نەق مەيداندىكى يارىدارلار دەسلەپتىلا دوختۇرخانىغا ئېلىپ بېرىلدى، ۋەقە يۈز بەرگەن نەق مەيداننىڭ تەرتىپى تېزلىكتە ئەسلىگە كەلدى.

شۇ كۈنى كەچ سائەت 20:30 دا، جاڭ چۈنشيەننىڭ ھاۋالىسى بىلەن نۇر بەكرى، جۇ خەيلۈن دوختۇرخانىغا بېرىپ يارىدارلارنى يوقلاپ، قۇتقۇزۇش خىزمىتىنى ئورۇنلاشتۇردى ھەمدە يولداش جاڭ چۈنشيەننىڭ كۆرسەتمىسىنى ئەمەلىيلەشتۈرۈپ، ھەرقانداق بەدەل تۆلەشكە قارىماي يارىدارلارنى قۇتقۇزۇشنى تەلەپ قىلدى.

نۆۋەتتە، قىسمەن يارىدارلار دوختۇرخانىدىن چىقتى، تۈرلۈك ۋەقەدىن كېيىنكى بىر تەرەپ قىلىش خىزمەتلىرى تەرتىپلىك ئېلىپ بېرىلىۋاتىدۇ.