ئىختىيارىي مۇخبىرىمىز ناسىپجان مامۇت خەۋىرى، فوتوسى: ئاتۇش شەھىرىنىڭ 2016-يىللىق دېھقان-چارۋىچىلار ئەدەبىيات-سەنئەت كۆرىكى 21-مارت كەچ قىزىلسۇ ئوبلاستلىق مەدەنىيەت مەركىزىدە ئۆتكۈزۈلدى. كۆرەككە ئاتۇش شەھىرىگە قاراشلىق يەتتە يېزا-بازاردىن كەلگەن ئەل ئىچى سەنئەتكارلىرى قاتنىشىپ، «ئىناق ئاتۇش»، «مىللەتلەر ئىتتىپاقلىقى»، «مېنىڭ جۇڭگو ئارزۇيۇم» دىن ئىبارەت ئۈچ سەھىپە بويىچە 15 نادىر نومۇرنى تاماشىبىنلارنىڭ ھۇزۇرىغا سۇندى. كۆرەكتە سۇنتاغ يېزا كوماندىسى 1-دەرىجىلىك مۇكاپاتقا ئېرىشتى.