1. ئارتۇقچە ئەنسىرەش.

ئۆي سېتىۋېلىش، بالىلارنى بېقىش، چوڭلارنىڭ ھالىدىن خەۋەر ئېلىش قاتارلىق مەسىلىلەردىن ئەنسىرەش. خىزمەتتە ئۆسۈش بوشلۇقى سەۋەبلىك خىزمەت بېسىمى پەيدا بولۇش. دوستلار ۋە خىزمەتداشلار ئارىسىدىكى مۇناسىۋەتنى بىر تەرەپ قىلىش جۇڭگولۇقلارنىڭ « بېسىم مەنبەسى» بولۇپ قالدى. چوڭ شەھەرلەردە ياشاۋاتقان كىشلەر، مەيلى ياشانغانلار، ياشلار ياكى بالىلار بولسۇن كۆپۈنچىسى بىر خىل ئەنسىرەش ئىچىدە بولۇپ، چىن يۈرىكىدىن بەختنى ھېس قىلىشقا ئامالسىز قالماقتا.

2. دائىم مۇكەممەللىكنى قوغلىشىش.

يۇقىرى ئۆلچەم ۋە چوڭ ئۈمىد بەختنى پەقەت ئىنتىزار بولىدىغان لىكىن يەتكىلى بولمايدىغان نىشانغا ئايلاندۇرۇپ قويىدۇ. « مۇكەممەل » بولۇش ئۈچۈن تۆلىنىدىغان بەدەلنىى ئويلاڭ، ۋاقتىدا كۈچۈمنىڭ يېتىشىچە قىلسام بولىدىغۇ دەڭ.

3. باشقىلارنىڭ قارىشىغا ئارتۇقچە ئېتىبار بېرىپ كېتىش.

دائىم باشقىلار ئۆزىنى بىرنېمە دەۋەتقاندەك، ئەيىبلەۋاتقاندەك ھېس قىلىش ئادەمنى بىر ئىشنى خاتىرجەم قىلالماس قىلىپ قويىدۇ. ئەمەلىيەتتە باشقىلار سىزنىڭ نېمە ئىش قىلىۋاتقانلىقىڭىزغا ئانچە كۆڭۈل بۆلۈپ كەتمەيدۇ. دىقىتىڭىزنى ئۆزىڭىزنىڭ ئىشىغا مەركەزلەشتۈرۈپ، ئۆزىڭىزنىڭ قەدىر قىممىتىنى قىلىپ خاتىرجەم ياشاڭ.

4. ناچار مۇھىتنىڭ تەسىرىگە ئۇچراش.

ئەگەر ئارىلاشقان ئادەملەر دەۋاتقان گەپلەر، كېلىۋاتقان خەۋەرلەرنىڭ ھەممىسى ئادەمنى ئۈمىدسىزلەندۈرىدىغان گەپلەر بولسا، مۇنداق ناچار مۇھىت تۇرمۇشىڭىزدا ئازاپ ۋە توسالغۇ پەيدا قىلىدۇ. مۇنداق ۋاقىتتا ئەڭ ياخشىسى ئاكتىپ، خۇشال يۈرۈيدىغان كىشىلەر بىلەن پاراڭلىشىڭ، ئادەمنى رىغبەتلەندۈرىدىغان كىتاپلارنى كۆرۈپ روھى كەيپىياتىڭىزنى ياخشىلاڭ.

5. ئىشلارنىڭ ياخشى تەرىپىنى بايقىيالماسلىق.

تۇرمۇشتا، كىشىنى خۇشال قىلىدىغان نۇرغۇن ياخشى ئىشلار بار، لىكىن كۆپلىگەن كىشىلەر ئۇنى نەزەردىن ساقىت قىلىۋېتىدۇ. پەقەت ئۆزىنىڭ بەختسىزلىكىنىلا كۆرۈپ بەختىنى كۆرەلمەسلىك نۇرغۇن كىشىلەرنىڭ تۇرمۇشىنىڭ ھەقىقى تەسۋىرى.

6. ئۆتكەن ئىشلار ۋە كەلگۈسى ھەققىدە زىيادە كۆپ ئويلىنىش.

ئەسلىمە ئىچىدە ياشاش ياكى كەلگۈسىدىن توختاۋسىز ئەنسىرەش كۆز ئالدىمىزدىكى گۈزەللىكتىن ھوزۇرلىنىشنىڭ ئەڭ چوڭ دۈشمىنى. ئەڭ ياخشىسى ھازىرقى ئىشلارغا كۆڭۈل بۆلۈڭ، مەسىلەن خىزمەت، ھەر بىر ۋاق تاماق قاتارلىقلار. ئەگەر يەنە شۇ تەرەپلەرگە كېتىپ قالسىڭىز چوڭقۇر نەپەس ئېلىپ ھازىرغا قايتىپ كېلىۋېلىڭ.

7. دائىم باشقىلار بىلەن بەسلىشىش.

ھازىر كىشىلەر ئاساسلىق زېھنى قۇۋىتىنى رىقابەتلىشىشكە سەرپ قىلماقتا. مەسىلەن خىزمەت ئورنىنى سېلىشتۇرۇش، ئۆيىنى سېلىشتۇرۇش، بايلىقىنى سېلىشتۇرۇش.... تولا سېلىشتۇرۇپ يۈرۈپ كىشىلەرنىڭ قەلبىدە بەخت قالماي پەقەت ئارزۇ ھەۋەسلا قالدى. ئەگەر بىر ئادەم ئۆزىگە تېگىشلىك بولغان بەختنى قوغلاشماي، قانداق قىلغاندا باشقىلاردىن بەختلىك بولۇشنى قوغلاشسا، ئۇنداقتا بۇ ئادەم بەختتىن يىراقلىشىپ كېتىدۇ.
8. ھەرقانداق ئىشتا زىغىرلاپ تۇرىۋېلىش.
ھەرقانداق ئىنچىكە نۇقتىلارنى قويۇۋەتمەسلىك پەقەت سىزگە كۆڭۈل پاراكەندىچىلىكى ئېلىپ كېلىدۇ. ئەڭ ياخشىسى كۆڭۈلنى پاراكەندە ئىشلارغا يۇلۇققاندا بۇ ئىشلارنى بىر ياققا تاشلاپ قويۇپ بېسىمنى يېنىكلىتىدىغان ئىشلارنى قىلىڭ. خاترجەم بولغاندىن كېيىن ھېلىقى سىزنى پاراكەندە قىلغان ئىشنى ئاسانلا قىلىۋېتىشىڭىز مۇمكىن.

9. ئەقىدە-ئېتىقاد كەمچىل بولۇش.

يېقىنقى 20 نەچچە يىللىق بايلىق توپلاش مۇساپىسىدە بەزى كىشلەر پۇل تېپىشتىن باشقا بۇ ھاياتلىقنىڭ نىشانىنى، نېمىنى قوغلىشىشنى، ھەتتا ئۆزىنىڭ نېمىگە ئېھتىياجلىق ئىكەنلىكىنىمۇ بىلمەس بولۇپ قالدى. مۇنداق ئەقىدە-ئېتىقاد كەمچىل بولغان، مەنىۋىيەت قۇرۇپ قاقشال بولۇش ھېسابىغا كەلگەن ماددى بايلىق مول بولغان ھالەت ئۇزۇق مەزگىللىك بەخت تۇيغۇسى شەكىللەندۈرەلمەيدۇ.



10. تېز تۇرمۇش رېتىمىگە ئادەتلىنىپ قېلىش.

تېز تۇرمۇش رېتىمى سىزنى خۇددى چاقىپەلەككە ئوخشاش تۇرمۇش بورىنىدا پىرقىرىتىپ توختاتمايدۇ. ۋاقىت چىقىرىپ ئەڭ مۇھىم بولغان ئىشلارنىلا قىلىپ بېقىڭ. ئاز گۇمانلىنىڭ. تۇرمۇشىڭىز ئاددى، ئەركىن بولسۇن.

لەگلەك تورى ئۈندىدار سالونىنى قۇشىۋېلىڭ ،ئىزدەش نۇمۇرى ::LEGLEK