گېرمانىيە فېدېراتسىيەسى ئەمگەكچىلەر ئىدارىسى 2-فېۋرال ئېلان قىلغان سانلىق مەلۇماتتىن قارىغاندا، گېرمانىيە ئىقتىسادى مۇقىم ئاشقانلىقتىن، بۇ يىل 1-ئايلىق پەسىللىك تەڭشەلگەن ئىشسىزلىق نىسبىتى %6.2 بولۇپ، ئالدىنقى ئايدىكىدىن %0.1 تۆۋەنلەپ، 1990-يىلىدىن بۇيانقى ئوخشاش مەزگىلدىكى ئىشسىزلىق نىسبىتى ئەڭ تۆۋەن سەۋىيەسىنى ياراتقان.

       سىتاتىستىكىدىن قارىغاندا، شۇ ئايلىق پەسىللىك تەڭشەلگەندىن كېيىنكى ئىشسىزلار سانى ئالدىنقى ئايدىكىدىن 20 مىڭ كىشى ئازلاپ 2.730 مىڭ كىشىگە ئازايغان، بۇ بۇندىن ئىلگىرى ئانالىزچىلار مۆلچەرلىگەن ئىشسىزلار سانىدىن 6500 كىشى ئازلىغان.

      ئەمما، تەڭشەلگەن ئەسلىدىكى سانلىق مەلۇماتتىن قارىغاندا، بۇ يىل 1-ئايدا گېرمانىيەنىڭ ئىشسىزلىق نىسبىتى %6.7 كىچە ئېشىپ، ئالدىنقى ئايدىكىدىن %0.6 ئاشقان؛ شۇ ئايلىق ئىشسىزلار سانى ئالدىنقى يىلى 12-ئايدىكىدىن 239 مىڭ كىشى ئېشىپ، 2.92 مىليون كىشىگە يەتكەن.

      فېدېراتسىيە ئەمگەكچىلەر ئىدارىسى چۈشەندۈرۈپ، بۇ ئېشىشنى ئاساسلىقى پەسىللىك ئامىل پەيدا قىلغان، قىش پەسىلىنىڭ ئۆتۈپ كېتىشىنى ساقلىغاندىن كېيىن ئىشسىزلار سانى يەنە كۆرىنەرلىك ئازلايدۇ دېگەن.

     ئەسلى سانلىق مەلۇماتتىن قارىغاندا، بۇ يىل 1-ئايلىق گېرمانىيە كارخانىلىرىدىكى خىزمەت ئورنىدا 581 مىڭ ئادەم كەمچىل بولۇپ، ئالدىنقى يىلى ئوخشاش مەزگىلدىكىدىن 96 مىڭ كىشى كۆپەيگەن. كارخانىلار جىددى خادىم قوبۇل قىلىشقا مۇھتاج بولغان.