يېقىندا ، ياۋروپانىڭ جەنۇبىدىكى بالقان يېرىم ئارىلىدا ئۇدا قارا يامغۇر يېغىپ كەلكۈن كەلدى ، سېربىيە ، بوسنىيە– گېرتسېگوۋېنا ، پولشا ، كىرودىيە قاتارلىق جايلار ئوخشاش بولمىغان دەرىجىدە ئاپەتكە ئۇچرىدى .

خەلقئارا قۇتقۇزۇش تەشكىلاتى بۇ قېتىملىق كەلكۈن ئاپىتىنى مىڭ يىلدا بىر كۆرۈلىدۇ ، دەپ تەرپلىدى . تاراتقۇلارنىڭ سانلىق مەلۇماتىغا قارىغاندا كەلكۈن ئاپىتىدە بۇ رايونلاردىن كەم بولغاندا 37 ئادەم قازا قىلغان .
خەۋەر قىلىنىشىچە ، سېربىيەدە ئۇدا ئۈچ كۈن ياغقان يامغۇرنىڭ مىقدارى پۈتۈن يىلدىكى 3 ئايلىق يامغۇرغا باراۋەر كېلىدىكەن ، پايتەخت بېلگرادتىكى 10 نەچچە مەكتەپ ۋە تەنتەربىيە مەيدانلىرى ۋاقىتلىق پاناھ جاي بولغان .

بېلگرادقا 30 كىلومېتىر كېلىدىغان ئوبرېنوۋاسنىڭ ئاپەتكە ئۇچراش ئەھۋالى ئىنتايىن ئېغىر بولۇپ ، بۇ رايون ئەتراپىغا جايلاشقان سېربىيەدىكى ئەڭ چوڭ ئېلېكتىر ئىستانسىسى توك تەمىنلەشنى توختاتقان ، خادىملىرىمۇ ھەممىسى چېكىنگەن، سېربىيە ھۆكۈمىتى ۋە سېربىيە ئېلېكتىر شىركىتى پۈتۈن كۈچ بىلەن بۇ ئېلېكتىر ئىستانسىسىنى قوغدايدىغانلىقىنى بىلدۈرگەن .