چەتئەل تاراتقۇلىرىنىڭ خەۋەر قىلىشىچە، بېنگاللىق ئەر ئابدۇل باجاندىر ئاز كۆرۈلىدىغان ئىرسىيەتلىك تېرە كېسىلىگە گىرىپتار بولۇپ، خۇددى « دەرەخ ئادەم »گە ئوخشاپ قالغان.

     ئىگىلىنىشىچە، پۈتكۈل يەر شارىدا بۇ خىل كېسەلگە گرىپتار بولغان ئۈچلا ئادەم بار ئىكەن. باجاندىرنىڭ قول بارمىقىدا 10 يىل ئىلگىرىلا دەرەخ يىلتىزىغا ئوخشايدىغان سۆگەل ئۆسۈشكە باشلىغان، يېقىنقى 4 يىلدىن بۇيان ئۇنىڭ كېسەللىك ئەھۋالى بارغانسېرى يامانلىشىپ، بەدىنىدىكى سۆگەلنىڭ ئومۇمىي ئېغىرلىقى 5 كىلوگرامغا يەتكەن، باجاندىر قارىماققا خۇددى بىر « دەرەخ ئادەم »گىلا ئوخشاپ قالغان.

بېنگالدىكى ئەڭ چوڭ ھۆكۈمەت قارمىقىدىكى دوختۇرخانا 1- ئاينىڭ 31- كۈنى باجاندىرنى ئوپىراتىسيە قىلىدىغانلىقى جاكارلىغان، داۋالاش گۇرۇپپىسى باخاندىرنىڭ بارماق نېرۋىلىرىنى زىيانغا ئۇچراتماسلىق ۋە باشقا ئەگەشمە كېسەللىك كۆرۈلۈشنىڭ ئالدىنى ئېلىش ئۈچۈن داۋالاشتىن ئىلگىرىكى باھالاش خىزمىتىنى باشلىۋەتكەن.

    باجاندىر بېنگالنىڭ جەنۇبىدىكى كۇرنا دېگەن جايدا تۇرىدىغان بولۇپ، ئۇ دەسلەپتە بارمىقىدا ئۆسۈپ چىققان بۇ « دەرەخ يىلتىزى »غا ئانچە ئېرەن قىلىپ كەتمىگەن ھەمدە ئۆزى پىچاقتا كېسىپ ئېلىۋەتمەكچى بولغان، ئەمما بەكلا ئاغرىپ كەتكەن. كېيىن ئۇنىڭ كېسەللىك ئەھۋالى بارغانسىېرى يامانلىشىپ، نەچچە يىل ئىلگىرىلا ۋېلىسپىتتا كىرا قىلىدىغان خىزمىتىدىن ۋاز كەچكەن.