2012-يىلى 9-ئاينىڭ 20-كۈنى، شىۋېيتسارىيەنىڭ ئېممېن ھاۋا ئارمىيە بازىسىدا، كىشىلەر كۆرگەزمىگە قويۇلغان ئىسرائىلىيە ئاۋىياتسىيە شىركىتى ئىشلەپچىقارغان «سۇر لەيلەك» ناملىق ئۇچقۇچىسىز ئايروپىلاننى ئېكىسكۇرسىيە قىلماقتا. ئۇچقۇچسىز ئايروپىلان يەنە بوشلۇقتىكى ماشىنا ئادەم دەپمۇ ئاتىلىدۇ. ئۇنىڭغا تۈرلۈك ئۈسكۈنىلەر سەپلەنگەن بولۇپ، ئالدىن بېكىتىلگەن سىستېما بويىچە ئاپتوماتىك ۋەزىپە ئىجرا قىلىدۇ، مەشغۇلات خادىملىرى يىراقتىن ۋەزىپىنىڭ تاماملىنىشىنى كونترول قىلىدۇ. 

    بۇ سۈرەت 2012-يىلى 12-ئاينىڭ 9-كۈنى تارتىلغان بولۇپ، تىنچ ئوكيان دېڭىز تەۋەلىكىدىكى ئامېرىكا دېڭىز ئارمىيەسىنىڭ «ترۇمېن» ناملىق ئاۋىياماتكىسىدا، X-47B ناملىق ئۇچقۇچىسىز ئايروپىلاننىڭ كۆرگەزمە قىلىنماقتا. «ترۇمېن» ناملىق ئاۋىياماتكا ئامېرىكا ئارمىيەسىنىڭ تۇنجى ئۇچقۇچىسىز ئايروپىلان ئېلىپ يۈرىدىغان ئاۋىياماتكىسى ھېسابلىنىدۇ. سۈنئىي ھەمراھ ئىقتىدارى، رادار ۋە ئالاقىلىشىش قاتارلىق تېخنىكىلارنىڭ شىددەت بىلەن تەرەققىي قىلىشىغا ئەگىشىپ، ئۇچقۇچىسىز ئايروپىلان پەقەت بىر نوقۇل ھالدىكى ئۇچقۇچى مەشغۇلات قىلمايدىغان ئايروپىلانلا ئەمەس، بەلكى بىر خىل مەشغۇلات سىستېمىسىغا ئايلاندى.

  ئامېرىكا ئارمىيەسى 2011-يىلى 1-ئاينىڭ 5-كۈنى ئېلان قىلغان بۇ سۈرەتتە ئايان بولۇشىچە، قورال سەپلەنمىگەن «كۆلەڭگە» ناملىق ئۇچقۇچىسىز ئايروپىلان بوشلۇققا كۆتۈرۈلگەن. ئىشلىتىشىنىڭ ئوخشىماسلىقىغا ئاساسەن، ئۇچقۇچىسىز ئايروپىلان نىشان ئايروپىلانى، چارلاش ئايروپىلانى، ئېلېكترونلۇق جەڭ ئايروپىلانى، ھۇجۇم ئايروپىلانى، يەمچۈك ئايروپىلانى ۋە ئالاقە ئۈزۈش ئايروپىلانى قاتارلىقلارغا بۆلۈنىدۇ. ئۇچقۇچىسىز ئايروپىلان تېخنىكىسى نۇرغۇن تېخنىكا ساھەلىرىدىكى ئۆتكۈر تېخنىكىلارغا تاقىشىدۇ. ئۇنى تەتقىق قىلىش ۋە ئىشلەپچىقىرىشنىڭ بىر دۆلەتنىڭ ئۇنىۋېرسال پەن-تېخنىكا سەۋىيەسىگە قويغان تەلىپى نىسبەتەن يۇقىرى.

  2012-يىلى 11-ئاينىڭ 13-كۈنى، 9-نۆۋەتلىك جۇڭگو ئاۋىياتسىيە-ئالەم بوشلۇقى كۆرگەزمىسى گۇاڭدۇڭنىڭ جۇخەي شەھىرىدە باشلاندى. كىشىلەرنىڭ دىققىتىنى تارتقان مەملىكىتىمىزنىڭ ئۇچقۇچىسىز ئايروپىلان ياساش ساھەسى ئىشلەپچىقارغان «پتېروزاۋور» ناملىق ئۇچقۇچىسىز ئايروپىلان سىستېمىسى كۆرگەزمىدە نامايان بولدى. بۇ ئۇچقۇچىسىز ئايروپىلانغا 100 ئات كۈچىگە ئىگە بىر پورشېنلىق موتور سەپلەنگەن بولۇپ، ئۇچۇش ۋە قونۇشنى ئاپتوماتىك تاماملىيالايدۇ، ئەڭ چوڭ ئۇچۇش ئېغىرلىق مىقدارى 1100 كىلوگىرام، ئەڭ ئۇزاق ئۇچۇش ۋاقتى 20 سائەتكە يېتىدۇ.

    2012-يىلى 11-ئاينىڭ 14-كۈنى، 9-نۆۋەتلىك جۇڭگو ئاۋىياتسىيە-ئالەم بوشلۇقى كۆرگەزمىسى گۇاڭدۇڭنىڭ جۇخەي شەھىرىدە باشلاندى. كۆرگەزمىدە جۇڭگو ئاۋىياتسىيە پەن-تېخنىكىسى گۇرۇھى شىركىتىنىڭ 11-تەتقىقات يۇرتى تەتقىق قىلىپ ياساپ چىققان «ھەسەن-ھۈسەن-4» ناملىق ئۇچقۇچىسىز ئايروپىلان ئېكىسكۇرسىيەچىلەرنى ئۆزىگە جەلپ قىلغان. بۇ تەتقىقات يۇرتىنىڭ مۇئاۋىن باشلىقى ۋاڭ شياۋجۈننىڭ تونۇشتۇرۇشىچە،«ھەسەن-ھۈسەن-4» ناملىق ئۇچقۇچىسىز ئايروپىلاننىڭ قانىتى 18 مېتىرغا ئۇزارتىلغان بولۇپ، نۆۋەتتە دۆلەت ئىچىدىكى ئىقتىدارى ئەڭ يۇقىرى، ئۇچۇش ئىقتىدارى ئەڭ ياخشى ئۇچقۇچىسىز ئايروپىلان ھېسابلىنىدىكەن. بۇ خىل ئايروپىلان چېگرا چارلاش، دېڭىزدىكى ئاراللارنى قوغداش، تېررورلۇققا قارشى ئۇرۇشى قىلىش، جىددىي ئەھۋالدا ئالاقىلىشىش قاتارلىق كۆپ خىل ۋەزىپىلەرنى ئىجرا قىلىشقا ماس كېلىدىكەن. بۇ ئايروپىلاننىڭ ئۇنىۋېرسال چارلاش ۋە زەربە بېرىش ئىقتىدارى ئوخشاش تىپتىكى ئامېرىكىنىڭ «ئوۋچى» ناملىق ئۇچقۇچىسىز ئايروپىلان سىستېمىسىدىنمۇ ئېشىپ كەتكەن.

  2012-يىلى 9-ئاينىڭ 21-كۈنى، كارپ دېڭىز تەۋەلىكىدە، «BQM-74E» تىپلىق ئۇچقۇچىسىز ئايروپىلان ئامېرىكا دېڭىز ئارمىيەسىنىڭ «ئاندېرۋود» ناملىق باشقۇرۇلىدىغان بومبا ئېلىپ يۈرىدىغان قوغدىغۇچى پاراخوتتىن ئۇچتى.

  2011-يىلى 7-ئاينىڭ 21-كۈنى، بىر «ياۋروپا بۈركۈتى» ناملىق ئۇچقۇچىسىز ئايروپىلان گېرمانىيەنىڭ مۇسىڭدىكى ھاۋا ئارمىيە بازىسىغا قوندى. «ياۋروپا بۈركۈتى» ناملىق ئۇچقۇچىسىز ئايروپىلاندا 20 مىڭ مېتىر ئېگىزلىكتە ۋەزىپە ئىجرا قىلغىلى بولىدۇ، ئۇدا ئۇچۇش ۋاقتى 30 سائەتتىن ئاشىدۇ.

    2010-يىلى 7-ئاينىڭ 22-كۈنى، گېرمانىيەنىڭ خامپشىر ئۆلكىسىدە ئۆتكۈزۈلگەن فارنبوروگ ئاۋىياتسىيە كۆرگەزمىسىدە، بىر «يەرشارى بۈركۈتى» ناملىق ئۇچقۇچىسىز ئايروپىلان كۆرگەزمە قىلىندى. «يەرشارى بۈركۈتى» ناملىق ئۇچقۇچىسىز ئايروپىلان ئامېرىكا ھاۋا ئارمىيەسى، ھەتتا پۈتۈن دۇنيا بويىچە ئەڭ ئىلغار ئۇچقۇچىسىز ئايروپىلان بولۇپ، ئامېرىكا تۇپرىقىدىن ئۇچۇپ دۇنيانىڭ ھەرقانداق نۇقتىسىدا چارلاش ۋەزىپىسىنى ئىجرا قىلالايدۇ.

  بۇ ئامېرىكا ئارمىيەسىنىڭ MQ-8B «ئوت كۈچى چارلىغۇچى ئەسكەر» ناملىق ئۇچقۇچىسىز ئايروپىلاننىڭ ماتېرىيال سۈرىتى. ئامېرىكا 2011-يىلى لىۋىيە ئارمىيەسىگە قوزغىغان ھەرىكىتىدە «ئوت كۈچى چارلىغۇچى ئەسكەر» ناملىق ئۇچقۇچىسىز ئايروپىلاننى ئىشلەتكەن.

 ئامېرىكا ھاۋا ئارمىيەسىنىڭ 2012-يىلى 9-ئاينىڭ 27-كۈنى ئېلان قىلغان سۈرىتىدە ئايان بولۇشىچە، ئامېرىكا ھاۋا ئارمىيەسىنىڭ ئۇچقۇچىسىز ئايروپىلانىغا قايتا ئىشلىتىلگەن ئاۋىياتسىيە ئۈسكۈنىسى سەپلەنگەن X-37B ھاۋا كۈرەشچى ئايروپىلانى ئامېرىكا فىلورىدا ئىشتاتى تىتۇسۋىل ئاۋىياتسىيە تەجرىبە مەيدانىدىكى قويۇپ بېرىش ئورنىغا كىردى. X-37B ھاۋا كۈرەشچى ئايروپىلانى يەرشارى ئوربىتىسىدا ئۇچالايدۇ. يەنە ئاتموسفرا قاتلىمىغا كىرىپ، ۋەزىپىنى تاماملىغاندىن كېيىن يەر يۈزىگە ئاپتوماتىك قايتالايدۇ.

  2012-يىلى 10-ئاينىڭ 16-كۈنى، ئىسرائىلىيە ئاۋىياتسىيە شىركىتى تەتقىق قىلىپ ياساپ چىققان «ھېرمېس 900» ناملىق ئۇچقۇچىسىز ئايروپىلان ئېممېن ھاۋا ئارمىيە بازىسىدا كۆرگەزمە قىلىندى.

  2011-يىلى 11-ئاينىڭ 11-كۈنى، ئامېرىكا فىلورىدا شىتاتىنىڭ پىرېسفورتتا بىر تېخنىك خادىم ئۇچقۇچىسىز ئايروپىلاننىڭ ئۈسكۈنىلىرىنى تەڭشىمەكتە.

  2012-يىلى 12-ئاينىڭ 1-كۈنى، ياۋروپانىڭ  بىر «نېۋرون» ناملىق ئۇچقۇچىسىز ئايروپىلانىنىڭ ئەسلى تىپى فىرانسىيەنىڭ ئىستېل ئايرودرومدىن ئۇچۇپ، تۇنجى قېتىم ئۇچۇش سىنىقى قىلغان.

  2011-يىلى 10-ئاينىڭ 20-كۈنى، ياپونىيەنىڭ توكيودا بىر ئىنژېنېر ئالىي دۆلەت مۇداپىئە تېخنىكىسى تەتقىقات مەركىزى تەتقىق قىلىپ ياسىغان شارسىمان چارلىغۇچى ئۇچقۇچىسىز ئايروپىلاننى نامايان قىلماقتا.

  2012-يىلى 4-ئاينىڭ 11-كۈنى، ئافغانىستاننىڭ لوگار ئۆلكسىدىكى بىر ئالدىنقى سەپ بازىسىدا، «كۈلرەڭ بۈركۈت» ناملىق ئىككى ئۇچقۇچىسىز ئايروپىلان توختىتىپ قويۇلغان.