ئىسپانىيە ئا دەرىجىلىكلەر بىرلەشمىسىدىكى خانلىق مادرىد كولۇبىنىڭ توپچى يۆتكىشى چەكلەندى. بۇ خانلىق مادرىد كولۇبىغىلا تەسىر كۆرسىتىپلا قالماستىن، يەنە كوماندىدىكى بەزى داڭلىق توپچىلارنىڭ يۆتكىلىش جەھەتتىكى ئىشلىرىدىمۇ ئۆزگىرىشنى كەلتۈرۈپ چىقاردى. فىرانسىيە تاراتقۇسى «كوماندا گېزىتى»نىڭ خەۋىرىگە ئاساسلانغاندا، يېقىندىن بۇيان ئىزچىل پورتۇگالىيەلىك داڭلىق ھۇجۇمچى كىرىستىيانو رونالدونى يۆتكەش ئۈمىدىدە بولۇۋاتقان پارىژ سانت گېرمان كۇلۇبىنىڭ قارارىدىمۇ ئۆزگىرىش بولغان. يەنى پارىژ سانت گېرمان كۇلۇبى كىرىستىيانو رونالدودىن ۋاز كېچىپ، بارسېلونا كوماندىسدا توپ تېپىدىغان برازىلىيەلىك چولپان نېيمارنى يۆتكەشكە ئاتلانغان.

    خەۋەرگە قارىغاندا، خانلىق مادرىد كۇلۇبىنىڭ توپچى يۆتكىشى چەكلەنگەندىن كېيىن، كۇلۇب يۇقىرى قاتىلىمى بۇ يىل يازدا ھېچقانداق توپچىنى يۆتكەپ كېلەلمەيدىكەن. بۇنىڭ تەسىرى تۈپەيلىدىن كىرىستىيانو رونالدو قاتارلىق بىر نەچچە داڭلىق ماھىرلارمۇ كوماندىدىن ئايرىلىشقا ئامالسىز ئىكەن. پارىژ سانت گېرمان كۇلۇبى ئەسلى كىرىستىيانو رونالدوغا خېلى يېقىنلاشقان. بىراق ھازىرقى ۋەزىيەت مۇشۇنداق بولغانلىقى ئۈچۈن، ئامالسىز كىرىستىيانو رونالدودىن ۋاز كەچكەن. بۇلار نىشانىنى ئۆزگەرتىپ نېيمارنى يۆتكەپ كەلمەكچى بولغان. پارىژ سانت گېرمان كۇلۇبى بۇ يىل يازدا نېيمارنى يۆتكەش خىزمىتىنى باشلايدىكەن. شىۋېتسىيەلىك داڭلىق ھۇجۇمچى «سېھىرلىك مۇنار» ئىبراھىموۋىچنىڭ كوماندىدىن ئايرىلىدىغانلىقى مۇقىملاشقان بولۇپ، نېيمار بۇ يەردە ئىبراھىموۋىچنىڭ ئورنىنى تولۇقلايدىكەن.