ئامېرىكا ئەمەلدارى 12-يانۋار ئىراننىڭ 10 نەپەر ئامېرىكا ئەسكىرىنى ۋە 2 ئامېرىكا پاراخوتىنى تۇتۇپ قالغانلىقىنى ئېلان قىلغان، ئارقىدىنلا ئىران تاراتقۇلىرى ئامېرىكا ھەربىي پاراخوتىنىڭ چارلش ئېلىپ بېرىۋاتقان كۆرۈنىشىنى تارقاتقان.

    14-يانۋار ئىران 10 نەپەر ئامېرىكا دېڭىز ئارمىيەسى ئەسكىرىنى قويۇپ بەرگەن بولۇپ، ئېلان قىلىنغان كۆرۈنۈشلەردە ئامېرىكا ئەسكەرلىرىنىڭ ئىرانغا بويسۇنغانلىقى چىقىپ تۇرغان، ئىران تەرەپمۇ «ئامېرىكا ئەسكەرلىرى ئەپۇ سورىغاندىن كېيىن، ئىران ئاندىن ئۇلارنى قويۇپ بەردى»، دېگەن، ھەمدە ئامېرىكىنىڭ بۇنداق قىلمىشنىڭ قايتا يۈزبەرمەيدىغانلىقىنى بىلدۈرگەنلىكىنى ئېلان قىلغان.

     لېكىن ئامېرىكا تاراتقۇلىرىنىڭ خەۋىرىگە ئاساسلانغاندا، ئامېرىكا گوۋۇيۈەنى «ئامېرىكىنىڭ ئىراندىن ئەپۇ سورىشى» نىڭ ھەرگىزمۇ راس ئەمەسلىكىنى، ھەمدە ئامېرىكىنىڭ ئەپۇ سورىغانلىق توغرىسىدا بۇ سۆز-چۆچەكلەرنى ئىنكار قىلىدىغانلىقىىنى بىلدۈرگەن. ئامېرىكا دۆلەت ئىشلىرى كاتىپى كېررىنىڭ باياناتچىسىنىڭ بىلدۈرىشىچە، ئامېرىكا دۆلەت ئىشلىرى باش كاتىپى كېررى ئىراندىن ئەپۇ سورىمىغان.