ئالىملارنىڭ 20يىلغا يېقىن تەتقىق قىلىش نەتىجىسى شۇنى كۆرسەتتىكى، بەزى بەلگىلىك يېمەكلىكلەر چوڭ مېڭىدە بەزى خىمىيىۋى ماددىلارنى ھاسىل قىلىپ، شۇ ئارقىلىق ئادەمنىڭ كەيپىياتىغا تەسىر كۆرسىتىپ، كەيپىياتنى ياخشىلايدىكەن.

    قىزىل مۇچ يېيىشكە ئامراق ئادەملەر ھەمىشە ئۇنىڭ تەمىگە جەلپ بولۇپلا قالماي، بەلكى يەنە ئۇنىڭ تەمىدىن قىسقا ۋاقىتلىق خۇشاللىق ھېس قىلىدىكەن. چۈنكى، قىزىلمۇچ تەركىبىدىكى قىزىلمۇچ ماددىسى ئېغىز نېرۋىلىرىنى غىدىقلاپ، ئاچچىق تۇيغۇ ھاسىل قىلغاندا چوڭ مىڭە بىرخىل ماددا قويۇپ بېرىدىكەن، بۇنداق ماددا ئادەمنى خۇشال قىلىدىكەن.

    ئەتىگەندە بىر ئىستاكان قەھۋە ئىچسە ھەقىقەتەن روھنى كۆتۈرۈپ، مېڭىنى سەگىتىدىكەن. قەھۋەدىكى كوفىيىن قان بېسىمىنى بىردەملىك ئۆرلىتىپ ھەم ئادەمنى ئۈگدەك باستۇرىدىغان خىمىيىلىك ماددىنىڭ يەتكۈزۈلۈشىنى توسۇيدۇ. ئەمما كۈنىگە ئۈچ ئىستاكاندىن جىق قەھۋە ئىچسە، ئەكسىچە ئادەمنى سەپرا تېرىككەك قىلىپ قويىدىكەن، ئۇخلاشتىن بۇرۇن قەھۋە ئىچسە ئادەمنىڭ ئۇيقۇسىنى قاچۇرىدىكەن.

    شاكىلاتقا ئاياللار ئامراق كېلىدىكەن، بولۇپمۇ ھەيز كۆرۈشتىن ئىلگىرىكى يىغىندا ئالامەت ياكى ناچار كەيپىياتنىڭ تەسىرىگە ئۇچراۋاتقان ئاياللار يېيىشكە ئامراق يېمەكلىك. چۈنكى شاكىلات تەركىبىدە كاربون سۇ بىرىكمىلىرى مول، تاتلىق تۈرۈمگە ئوخشاشلا تىنچلاندۇرۇش رولىغا ئىگە.

    ئاپلېسىن بىلەن ئۈزۈمدە ۋىتامىنCمول بولۇپ، يېنىك دەرىجىدە ۋىتامىنCكەم ئادەملەر ھەر كۈنى ئىككى تال ئاپلىسىن ياكى 350گرام ئۈزۈم يېسە، 150مىللىگرام ۋىتامىنC تولۇقلاپ، مىجەزدىكى ئىتتىكلىك، سەپرالىق، غەمكىنلىك ئوڭشىلىدىكەن. ئۇلارنى كۆپرەك يېسە ئۈنۈمى تېخىمۇ ياخشى بولىدىكەن.

باناندا ماگنىي كۆپ، ماگنىي جىددىلىشىش بىلەن مۇناسىۋەتلىك. شۇڭا تۇرمۇشى جىددىيچىلىكتە ئۆتىدىغانلار باناننى كۆپرەك يېسە جىددىي كەيپىياتى ئوڭشىلىدىكەن.

قىشلىق موگۇدا ۋىتامىنE ۋە ۋىتامىنD كۆپ بولۇپ، فېرمېنت دەپمۇ ئاتىلىدۇ. ئۇ بەزى راكلارغا ۋە باشقا كېسەللىكلەرگە تاقابىل تۇرۇشتىن سىرت، قاندىكى خولېستېرىننى تۆۋەنلىتىپ قان بېسىمنى تەڭشەپ جىددىي كەيپىيات ۋە روھىي بېسىمنى پەسەيتىدىكەن.

    سۈت، قېتىق، پىشلاق قاتارلىق سۈت تۈرىدىكى ئىچىملىك، يېمەكلىكلەردە كالتىسىي كۆپ، يەنە كېلىپ سۈت تۈرىدىكى ئىچىملىك، يېمەكلىكلىرى كەيپىياتنى تىنچلاندۇرىدىكەن. كەيپىيات ناچار چاغدا سۈت تۈرىدىكى ئىچىملىك، يېمەكلىكلەرنى كۆپرەك ئىچسە ياكى يېسە، ئادەم ئاچچىقلانمايدىغان بولىدىكەن.