جۇڭگو ئىنتېرنېت جەمئىيىتى يېقىندا ئېلان قىلغان «جۇڭگونىڭ 2015-يىللىق ئىنتېرنېت كەسپى توغرىسىدىكى ئومۇمىي بايان ۋە 2016-يىللىق تەرەققىيات ۋەزىيىتى» دوكلاتىدىن ئايان بولۇشىچە، ئۆتكەن يىلى 11-ئايغىچە، ئېلىمىزدە يانفوندا تورغا چىققان ئابۇنتلار سانى جەھەتتە يەنە يېڭى رېكورت يارىتىلىپ، 905 مىليونغا يەتكەن.

      دوكلاتقا قارىغاندا، ئۆتكەن يىلى 11-ئايغىچە ئېلىمىزدە ئىنتېرنېت كەڭ بەلباغ ئابونتلىرى 210 مىليونغا يەتكەن، ئۆتكەن يىلى 10-ئاينىڭ ئاخىرىغىچە، ئېلىمىزدە مۇقىم كەڭ بەلباغ ھەققى سەۋىيەسى 2014-يىلىدىكىدىن %50.6 تۆۋەنلىگەن،كۆچمە ئېقىم مىقدارىنىڭ ئوتتۇرىچە ھەق سەۋىيەسى %39.3 تۆۋەنلىگەن. مەلۇماتتىن ئايان بولۇشىچە، جۇڭگو دۆلەت دەرىجىلىك ساھە نامى CNنى رويخەتكە ئالدۇرۇش مىقدارى 16 مىليون 360 مىڭغا يېتىپ، گېرمانىيەنىڭ دۆلەت دەرىجىلىك ساھە نامى DEدىن ئېشىپ، يەر شارىدىكى رويخەتكە ئالدۇرۇش مىقدارى 1-دۆلەت ۋە رايون دەرىجىلىك ساھە نامىغا ئايلانغان. دۆلەت ساھە نامى كۆلىمىنىڭ زورىيىشى ۋە ئۇچۇرلىشىش سەۋىيەسىنىڭ يۇقىرى كۆتۈرۈلۈشى جۇڭگو ئىنتېرنېتىنىڭ تەرەققىياتىغا تېخىمۇ كۆپ پۇرسەت ۋە بوشلۇق يارىتىپ بەردى.دوكلاتتا يەنە 2016-يىلىدىكى جۇڭگونىڭ ئىنتېرنېت كەسپىنىڭ تەرەققىياتى يۈزلىنىشى مۆلچەرلەندى، ئىنتېرنېتنىڭ تەرەققىياتىدىكى ئاساسىي شارائىت يەنىمۇ ياخشىلاندى، تور بىخەتەرلىكى كەسپىنىڭ ئىستىقبالى كەڭ دەپ قارالدى.