مېتروغا ئولتۇرغاندا بالىڭىزنىڭ تەرەت قىلغۇسى كەلسە قانداق قىلىسىز؟ بۇنىڭغا  ئاتا-ئانىلارنىڭ مۇئامىلىسى ئوخشاش بولمايدۇ، ئەلۋەتتە.ئەمما ئادەمنى ئەڭ  يىرگەندۈرىدىغان ئىش بالىسىنى مېتروغا تەرەت قىلدۇرۇش. ئالدىنقى ھەپتىنىڭ بىرى بىر  ئايال دەل ئاشۇنداق ناچار قىلىقنى  سادىر قىلىپ، مېتروغا ئولتۇرغانلارنىڭ ‹‹ئاڭسىز  ›› دەپ ئەيىبلىشىگە ئۇچرىدى. ئۇ ئايال بۇنىڭغا قارىتا ‹‹ سىلەر قىلىپ باقمىغان  ئىشمۇ ›› دەپ ئېتىراز بىلدۈردى، ھەمدە نەق مەيداننى تازىلاشنى رەت قىلدى. بالىنىڭ  سۈيدۈكى مېترو ئىچىدە ئېقىپ يۈردى.  بۇ ئىشنى پاش قىلغان شەھەر ئاھالىسى سۇڭ ئەپەندىنىڭ دېيىشىچە، ئۇ سائەت 9لار  ئەتراپىدا مېتروغا چىققان. كۆپ ئۆتمەي، ئۇ 30 ياشلار چامىسىدىكى بىر ئايالنىڭ  3 ياشلار چامىسىدىكى  بالىسىنىڭ ئىشتىنىنى سالدۇرۇپ، مېتروغىلا ھاجەت  قىلدۇرىۋاتقانلىقىنى كۆرگەن.  

     - ئۇ بۇ ئىشلارنى ناھايىتى تەبىئىي ھالدا قىلدى، ھەيران قالدىم. مەن ئۇنىڭغا،  بېكەت ھاجەتخانىسىغا ئاپارسىڭىز بولمامدۇ، دېسەم ئۇ ، بالام چىدىيالماي قالدى،  دېدى- دېدى سۇڭ ئەپەندى،-ئەينى ۋاقىتتا بالا يىغلاپ قەغىش قىلمىغان، پەقەت بىر  قانچە قېتىم سىيگۈم كەلدى دەپ قويغان. بالىدا ھېچقانداق تاقەتسىزلىك ئالامەتلىرى  كۆرۈلمىگەن.

      سۇڭ ئەپەندى بىر قانچە قېتىم ئۇ ئايالغا بالىنىڭ تەرىتىنى تازىلىۋېتىشنى  ئېيتقان بولسىمۇ، ئۇ ئايال ئۇنىمىغان. سۇڭ ئەپەندى ئۇنى ‹‹نېمانداق ئاڭسىز  ئايال  سىز، بۇ دېگەن ئاممىۋىي سورۇن، ئۆيىڭىزگە ئوخشىتىپ قالدىڭىزمۇ ؟›› دەپ  ئەيىبلىگەندە، ئويلىمىغان يەردىن  ئۇ ئايال ‹‹سىز تۇغۇلۇشىڭىزدىنلا ئاڭلىقمىدىڭىز  ››دېگەن. ئانا- بالا كېيىنكى بېكەتتە چۈشۈپ قالغاندا،بالىنىڭ سۈيدۈكى  مېترونىڭ  پولىدا كۆزگە تاشلىنىپ تۇرغان. سۇڭ ئەپەندى بۇنىڭغا نېمە دېيىشنى بىلمەي  قالغان.

      بالىنىڭ ھاجىتى قىستاپ كېتىشنى توغرا چۈشىنىشكە بولىدۇ. ئەمما يۇقىرىقىدەك  ئىشلارنى توغرا چۈشەنگىلى بولمايدۇ. بۇنداق ئەھۋاللاردا تۆۋەندىكىدەك ئاماللارنى  قوللىنىپ باقسىڭىز بولىدۇ. بالىڭىزنى يەسلىدىن ئېلىپ چىققاندىلا بالىلار زاكىسى  تەييارلىۋېلىڭ؛ بالىڭىز ئۆزىنى كونترول قىلالىغۇدەك بولسا، ئۇنىڭغا كېيىنكى  بېكەتكىچە تاقەت قىلىشنى ئېيتىڭ، كۆپ قىسىم بېكەتلەردە ھاجەتخانا ئورۇنلاشتۇرۇلغان.  شۇ يەرگە بارغاندا ھاجەت قىلسۇن؛ سولياۋ خالتىمۇ بۇنداق چاغدا ياخشى تاللاش  بولالايدۇ؛ پەقەتلا، زادىلا ئامال بولمىسا، بالىڭىزنىڭ تەرىتىنى تازىلىۋېتىشنى  ئۇنۇتماڭ، بۇ قىلغىنىڭىز سىزنىڭ باشقىلارنى ھۆرمەتلىگىنىڭىز بولىدۇ.شۇنداقلا يەنە  ئۆزىڭىزنى ھۆرمەتلىگىنىڭىز بولىدۇ.