تاماق ئەتكەندە قول، يۈزگە ئاسان ماي چاچراپ كېتىدۇ ياكى قىزىق قازانغا قولىمىزنى يېقىۋالساقمۇ يارا ئېزى پەيدا بولۇپ قالىدۇ.

   نيۇيورك ئۇنىۋېرسىتېتى تېرە كېسەللىكلىرى بۆلۈمىنىڭ مۇتەخەسسىسى ئېلزابېتنىڭ ئېيتىشىچە، كۆيۈپ قالغاندا تېرىدە ئۇششاق سۇلۇق قاپارتما پەيدا بولىدىكەن، ئۇنى تاتىلاشقا بولمايدىكەن، بولمىسا كۆيۈك يۇقۇملىنىپ قالىدىكەن. بۇنداق ۋاقىتتا كۆيگەن جايغا دەرھال سوغۇق سۇ تەگكۈزۈش ياكى مۇز تەگكۈزۈش كېرەك ئىكەن. بۇنىڭدىن سىرت، لۆڭگىنى سوغۇق سۈتكە چىلاپ كۆيگەن جايغا تەگكۈزۈپ بەرسىمۇ كۆيۈككە مەنپەئەت قىلىدىكەن. سۈت تەركىبىدىكى ياغ ۋە ئاقسىل ئاغرىقنى پەسەيتىدىكەن.