پارتىيەنى ئومۇميۈزلۈك قاتتىق ئىدارە قىلىش، كادىرلارنى قاتتىق باشقۇرۇپ نازارەت قىلىش تەلىپىنى قەتئىي ئىزچىلللاشتۇرۇش ئۈچۈن، پارتىيەنىڭ 18-قۇرۇلتىيى 3-ئومۇمىي يىغىنىنىڭ روھىغا ئاساسەن، 2014-يىلى 1-ئايدىن باشلاپ، مەركىزىي تەشكىلات بۆلۈمى ۋەزىپە سانىدىن ئاشۇرۇلۇپ سەپلەنگەن كادىرلارنى تۈزەش مەسىلىسىنى بىر تۈرلۈك مۇھىم ۋەزىپە قىلىپ، يۈكسەك ئەھمىيەت بېرىپ، پۇختا ئىلگىرى سۈرۈپ، كۆرۈنەرلىك ئۈنۈمگە ئېرىشتى. ھەرقايسى جايلاردىكى ھەر دەرىجىلىك ئورۇنلاردىكى «ئۈچ ئېشىپ كېتىش، ئىككى قالايمىقان بولۇش» ھادىسىسى تىزگىنلەندى، ساندىن ئاشۇرۇلۇپ سەپلەنگەن كادىرلارنىڭ سانى زور نىسبەتتە تۆۋەنلىدى، ۋەزىپە سانىغا ئاساسەن كادىر سەپلەش تەدرىجىي ياخشى ئايلىنىش ئوربېتىسىغا كىردى. ھازىرغا قەدەر، مەملىكەت بويىچە ساندىن ئارتۇق سەپلەنگەن مۇئاۋىن باشقارما دەرىجىلىكتىن يۇقىرى 32041نەپەر رەھبەرلەر ھەزىم قىلىندى، ئۈچ يىلدا %79.85 ۋەزىپە ئورۇنلاندى.