جاھان ئاگېنتلىقى 12-ماي خەۋىرى؛ لەگلەك تورى تەرجىمىسى: سەئۇدى ئەرەبىستان باشچىلىقىدىكى بىرلەشمە ئارمىيە قىسىملرى يەمەننىڭ پايتەختى سەنئادا ، ھۇسىي قۇراللىقلىرىغا ئ‍ائ‍ت بىر قۇرال-ياراغ ئامبىرىغا ھاۋا ھۇجۇمى قىلىپ 69 كىشى ھاياتىدىن ئايرىلدى، 250 دىن كۆپ كىشى يارىلاندى. سەنئادىكى بىر سەھىيە خادىمىنىڭ ئېيتىشىچە، بىرلەشمە ئارمىيەنىڭ كۈرەشچى ئايرۇپىلانلىرى ھۇسىيلەرگە قارشى ھەرىكەت باشلاپ سەنئادىكى ئېغىر تىپلىق قۇرال-ياراغ بازىسىنى بومباردىمان قىلغان. بۇ ھۇجۇمدىن كېيىن زور پارتلاش يۈز بەرگەن بولۇپ، ئاز دىگەندە 69 كىشى ھاياتىدىن ئايرىلغان ۋە 250 كىشى يارىلانغان. نەخ مەيداننى كۆرگۈچىلەرنىڭ ئېيتىشىچە، بىرلەشمە ئارمىيە كۈرەشچى ئايرۇپىلانلىرى پايتەخت سەنئانىڭ شەرقىدىكى نۇكۇم تېغى رايۇنىدىكى ھەربىي بازا ۋە ئەتراپىنى بىر قانچە قېتىم بومباردىمان قىلغان.
ھۇسىيلەرنىڭ كونتروللىقىدىكى يەمەن خەۋەر ئاگېنتلىقى«سابا» نىڭ خەۋىرىدە، بىرلەشمە ئارمىيەگە ئائىت كۈرەشچى ئايرۇپىلانلارنىڭ نۇكۇم رايۇنىغا قوزغىغان ھۇجۇمى نەتىجىسىدە 90 كىشىنىڭ ھاياتىدىن ئايرىلغانلىقى بىلدۈرۈلدى. 2014-يىلى 21-سىنتەبىردە يەمەن پايتەختى سەنئا ھۇسىيلەرنىڭ كونتروللىقىغا ئۆتۈپ كەتكەن بولۇپ، 2015-يىلى 19-يانۋاردا پارلامېنتنىڭ بىكار قىلىنىشى بىلەن ھۇسيلەر دۆلەت ئورگانلىرى، تېلىۋىزىيە قانالىىرى ۋە ئاخبارات ئورگانلىرىنى كونترول قىلىۋالغان.
يەمەندە ئىنسانىي ياردەم يەتكۈزۈش ئۈچۈن 12-ماي كەچ سائەت 23:00 تىن باشلاپ 5 كۈنلۈك ئۇرۇش توختىتىش ئېلان قىلىنغان ئىدى. ھۇسىي قۇراللىق قىىسىملىرىنىڭ باش شىتاب باشلىقى شەرەف لوقمان؛ « بىر قىسىم دوست دۆلەتلەرنڭ ، يەمەنگە قارىتىلغان ھۇجۇمنى بىكار قىلىش، سودا پاراخوتلىرىنىڭ يەمەن پورتلىرىغا يىتىپ كېلىشى ۋە ئىنساني ياردەملەر يەتكۈزۈشى ئۈچۈن ئۇرۇش توختىتىش تىرىشچانلىقى كۆرسەتكەنلىكى ئۈچۈن سەيشەنبە كۈنى باشلىنىدىغان ئۇرۇش توختىتىش كېلىشىمىنى قۇبۇل قىلغانلىقىمىزنى ئېلان قىلىمىز» دىگەن.