2015-يىلى 12-ئاينىڭ 22-كۈنى كەچتە، شىئەندىكى 13 ياشلىق بىر قىز ئۆيدىكىلىرى بىلەن تەگىشىپ قالغاندىن كېيىن باتناپ ئۆيدىن چىقىپ كەتكەن بولۇپ، كۆزىتىش كامىراسىدىكى خاتىرىگە قارىغاندا، 23-چېسلا سەھەر سائەت ئۈچلەردە، بۇ قىز نامەلۇم تۆت ئەر تەرىپىدىن ئېلىپ كېتىلگەن. مۇخبىر بۈگۈن بۇ ئىشقا ئالاقىدار ئەڭ يېڭى ئۇچۇرلارنى ئىگەللىگەن بولۇپ، ئۆيدىن چىقىپ كەتكەن 13 ياشلىق شىياۋمىن ئاللىقاچان تېپىلغانىكەن.شۇ كۈنى كەچتە، نامەلۇم تۆت ئەر بۇ كىچىك قىزنى ئۇچراتقاندىن كېيىن ئۇنىڭغا يەيدىغان نەرسە ئېلىپ بەرگەن شۇنداقلا ئۇنىڭغا تۇرىدىغان ياتاق ئورۇنلاشتۇرۇپ بەرگەن، بۇ تۆت ئەر كەينىدىن كىچىك قىزنى كۇنمىڭ يولى ساقچىخانىسىغا ئاپىرىپ بەرگەن، كەينىدىن شىياۋ مىن شىئەن شەھەرلىك قۇتقۇزۇش پونكىتىغا ئاپىرىپ بېرىلگەن. 12-ئاينىڭ 25-كۈنى، ئېفاڭگۇڭ ساقچىخانىسىنىڭ ساقچىلىرى شىياۋمىننى شىئەن شەھەرلىك قۇتقۇزۇش پونكىتىدىن ساقچىخانىغا قايتۇرۇپ ئېلىپ كەلگەن ھەم سالاھىيەت تەكشۈرۈپ دەلىللەش خىزمىتى ئېلىپ بېرىلغاندىن كېيىن، شىياۋمىننى ئاتا-ئانىسىغا تاپشۇرۇپ بەرگەن.