مارمالا ۋەقەسىگە بەش يىل بولغان پەيىتتە، تۈركىيە بىلەن ئىسرائىلىيە ئاخىرى ئىككى دۆلەت مۇناسىۋىتىنى نورماللاشتۇرۇشنى مەقسەت قىلغان « مۇز يېرىش » سۆھبىتىنى باشلىدى. خەۋەرلەرگە ئاساسلانغاندا، نۆۋەتتە سۆھبەت خۇشاللىنارلىق ئىلگىرىلەشلەرگە ئېرىشىپ، ئىككى تەرەپ بىر قاتار مەسىلىلەردە دەسلەپكى ئورتاق تونۇش ساھىل قىلغان، بىراق يەنىلا مۇناسىۋەتلىك ھۆججەتلەرگە رەسمىي يۇسۇندا ئىمزا قويمىغان.

     ئىسرائىلىيە زۇڭلى ئىشخانىسنىڭ ئۇچۇرىغا ئاساسلانغاندا، نورمال مۇناسىۋەتنى ئەسلىگە كەلتۈرۈش ئۈچۈن، تۈركىيە-ئىسرائىلىيە ئىككى دۆلەت يۇقىرى قاتلام ھۆكۈمەت ئەمەلدارىلىرى شۋېتسارىيەدە مەخپىي يىغىن ئاچقان. ئىسرائىلىيە زۇڭلى ئىشخانىسىنىڭ ئاشكارلىشىچە، سۆھبەتتە ئىسرائىلىيە تەرەپ مارمالا ۋەقەسىدە بەختىسزلىككە ئۇچىغان پىدائىلەرنىڭ ئائىلە تاۋابىئاتلىرىغا تۆلەم بېرىشكە قوشۇلغان، شۇنىڭ بىلەن بىر ۋاقىتتا، تۈركىيە تەرەپ ئىسرائىلىيە ئۈستىدىن شىكايەت قىلىشنى ئەمەلدىن قالدۇرماقچى بولغان. تۈركىيەدىكى ئىسمىنى ئاشكارىلاشنى خالىمايدىغان بىر ئەمەلدارنىڭ بىلدۈرۈشىچە، ئىككى دۆلەت ناھايىتى تېزلا كېلىشم ھاسىل قىلىدىكەن.

   ناۋادا كېلىشىم ھاسىل قىلىنىپلا قالسا، ئىككى تەرەپ ناھايىتى تېزلا ھەمكارلىق سۆھبىتى ئۆتكۈزىدىكەن، تۈركىيەدە چىقىدىغان « بۈگۈنكى زامان » گېزىتىنىڭ خەۋرىگە ئاساسلانغاندا، تۈركىيەنىڭ ئىسرائىلىيەدىن تەبئىي گاز ئېمپورت قىلىش ۋە تەبئىي گاز توربىسى ياتقۇزۇپ، ئىسرائىلىيەنىڭ تەبئىي گازنى ياۋروپاغا يەتكۈزۈشىگە قويالىق ياراتقۇسى بار ئىكەن. تەھلىلچىلەرنىڭ ئېيتىشىچە، رۇسىيە نۆۋەتتە تۈركىيەنىڭ ئاساسلىق تەبئىي گاز بىلەن تەمىنلىگۈچى دۆلىتى بولغاچقا، تۈركىيە بۇ ئارقىلىق رۇسىيەنىڭ ئېنېرگىيە مەنبەسىگە تايىنىشنى ئازايتىشنى مەقسەت قىلىدىكەن. ئىرۇسالىم گېزىتىدا مۇنداق دېيىلگەن: ئوتتۇرا شەرق رايونىدا تۈركىيەنىڭ ئەسىدىلا دوستى ئاز دۈشمىنى كۆپ، رۇسىيەنىڭ ئۇرۇش ئايروپىلانىنى ئېتىپ چۈشۈرىۋەتكەندىن كېيىن بۇ دۆلەت ئېغىر دەرىجىدىكى رايون خاراكتېرلىك يىتىم قېلىش كرزىسىغان پېتىپ قالدى.