ئامېرىكا كېسەللىكلەرنى كونترول قىلىش ۋە ئالدىنى ئېلىپ مەركىزىنىڭ مۇشۇ ئايدا ئېلان قىلغان بىر سانلىق مەلۇماتىدا كۆرسىتىلىشىچە، 60 يىلدىن بۇيان، ئامېرىكىدا قورالنىڭ ئۆلۈشكە سەۋەب بولۇش نىسبىتى تۇنجى قېتىم قاتناش ھادىسىسىنىڭ ئۆلۈشكە سەۋەب بولۇش نىسبىتىدىن ئېشىپ كەتكەن.  سانلىق مەلۇماتتا كۆرسىتىلىشىچە، 2014-يىلى قورال بىلەن ئۆزىنى ئۆلتۈرۈۋېلىش، باشقىلارنى ئېتىۋېتىش ۋە قورال ئىشلىتىش جەريانىدا كېلىشمەسلىك سەۋەبىدىن تالاپەتكە ئۇچراش قاتارلىقلار كەلتۈرۈپ چىقارغان ئۆلۈش نىسبىتى ماشىنىلارنىڭ سوقۇشۇپ كېتىشى، ئادەم سوقۇۋېتىش قاتارلىق قاتناش ۋەقەلىرى كەلتۈرۈپ چىقارغان ئۆلۈش نىسبىتى بىلەن ئوخشاش بولۇپ، ھەممىسى 10 مىڭدىن 10.3 مىڭغا يېتىدىكەن.

    «ۋاشىنگتون پوچتا گېزىتى»نىڭ 17-چېسلادىكى خەۋىرىگە ئاساسلانغاندا، قورالنىڭ ئۆلۈشكە سەۋەب بولۇش نىسبىتى بىلەن قاتناش ۋەقەسىدە ئۆلۈش نىسبىتىنىڭ ئىككى يۈزلىنىش ئىنتىلىش سىزىقى «يېقىنلاشقان» بولۇپ، سەۋەبى 1950-يىلىدىن بۇيان قاتناش ۋەقەلىرىدە قازا قىلىش نىسبىتى تۆۋەنلىگەن. ئالدىنقى ئەسىرنىڭ 60-يىللىرى، ئامېرىكىدا ھەر 100 مىڭ ئادەمنىڭ ئىچىدىكى 25 ئادەم قاتناش ۋەقەسى سەۋەبىدىن ئۆلۈپ كەتكەن. شۇنىڭدىن باشلاپ، بۇ تاناسىپنىڭ يېرىمى تۆۋەنلىگەن. شۇنىڭ بىلەن بىر ۋاقىتتا، ئامېرىكىدا قورال سەۋەبىدىن ئۆلۈش نىسبىتى يۇقىرىلىغان.

   سانلىق مەلۇماتقا ئاساسلانغاندا، ئامېرىكىلىقلارنىڭ ئۆلۈشىدىكى ئەڭ چوڭ سەۋەب كېسەللىك بولۇپ، راك ۋە يۈرەك كېسىلىنى ئۆز ئىچىگە ئالىدىكەن. لېكىن، قاتناش ۋەقەسى ۋە قورال سەۋەبىدىن ئۆلۈش كېسەللىكتىن قالسىلا يەنە بىر ئەڭ چوڭ ئۆلۈش سەۋەبى ھېسابلىنىدىغان بولۇپ، بىنادىن سەكرەپ ئۆلۈۋېلىش ۋە ھاراقتىن زەھەرلىنىشتىن يۇقىرى ئىكەن.

    ئۆتكەن 65 يىلدا، قاتناش ھادىسىسىدە ئۆلۈشنىڭ تۆۋەنلىشىدىكى سەۋەب ماشىنا تېخنىكىسىنىڭ يېڭىلىنىشى ۋە تېخىمۇ قاتتىق قانۇن-نىزاملار ئىكەن. ئالدىنقى ئەسىرنىڭ 60-يىللىرى، ئامېرىكا فېدېراتسىيە ھۆكۈمىتى ماشىنىلارغا چوقۇم بىخەتەرلىك بەلبېغى ئورنىتىشنى تەلەپ قىلغان. 70-يىللىرى، جىددىي تورمۇزلاش قۇرۇلمىسى ئورۇنلاشتۇرۇشقا باشلىغان. 80-يىللىرى، كىشىلەر ھاراق ئېچىپ ماشىنا ھەيدەش ۋە بىخەتەرلىك بەلبېغى تاقاشقا دىققەت قىلىدىغان بولغان. 90-يىللىرى، بىخەتەرلىك ھاۋا خالتىسى ئىشلىتىلگەن... يېقىنقى يىللاردىن بىرى، ئامېرىكا ھۆكۈمىتى ماشىنىلارغا ئېلېكتىرونلۇق تۇرغۇن سىستېما ئورنىتىشنى تەلەپ قىلغان بولۇپ، زېھنىنى چېچىلاڭغۇ ھالەتتە ماشىنا ھەيدەش قىلمىشىنى جازالاش كۈچنى چوڭايتقان.

    شۇنىڭ بىلەن بىر ۋاقىتتا، ئامېرىكىنىڭ قورال-ياراغ باشقۇرۇش قانۇنى بىر قەدەر قالايمىقان بولۇپ، ئىلگىرىكى بەزى قورال ئىشلىتىش چەكلىمىلىرى بىكار قىلىۋېتىلگەن، مەسىلەن، 1994-يىلى ماقۇللانغان زەربە بېرىش تېپىدىكى قورال چەكلەش بۇيرۇقى 2004-يىلىدىن كېيىن ئۇزارتىلمىغان. مۆتىدىل قورال چەكلەش بۇيرۇقى (سېتىۋالغۇچىنىڭ ئارقا كۆرۈنۈشىنى تەكشۈرۈش قاتارلىقلارنى ئۆز ئىچىگە ئالىدۇ) كۆپ سانلىق قورال ئىگىلىرى ۋە ئامېرىكا ئاممىسىنىڭ قوللىشىغا ئېرىشكەن بولسىمۇ، بىراق قورال ئىشلىتىش ھوقۇقىنى قوللىغۇچىلار ۋە پۈتۈن دۆلەتتىكى  قورال-ياراغ جەمئىيىتىنىڭ بېسىمى ئاستىدا، بۇ قانۇن ماقۇللانمىغان.