ئىتالىيەلىق داڭلىق مۇخبىر پالمېرىنىڭ ئەڭ يېڭى ئاشكارلىغان خەۋىرىگە ئاساسلانغاندا، داڭلىق ترېنېر ئەنچىلوتتى بايرېننىڭ تەكلىپىنى قوبۇل قىلغان بولۇپ، بىر قانچە كۈن ئىچىدە ئۇ گېرمانىيە زەردارى بىلەن يىللىق مائاشى 15 مىلىيون ياۋرولۇق توختام ئىمزالايدىكەن.

       گۇئادىئولا بايرېندىن ئايرىلىشنى مۇئەييەنلەشتۈرگەندىن كېيىن، بايرېن مىيۇنخېن يېڭى ترېنېر ئىزدەشكە باشلىدى. ئەمەلىيەتتە، بىر قانچە ئاي بۇرۇنلا بەزى خەۋەردە، بايرېن تەرەپنىڭ ئەنچىلوتتىنىڭ كوماندىنى يىتەكلىشىنى ئۈمىد قىلىدىغانلىقى ئېيتىلغان. ئەنچىلوتتىنىڭ كەسپىي ئىقتىدارى ۋە يىتەكلەش نەتىجىسى تاراتقۇ ۋە مەستانىلەرنىڭ بىردەك ئىتراپ قىلىشىغا ئېرىشكەن، ئۇنىڭ ئۈستىگە ئۇ كىيىم ئالماشتۇرۇش ئۆيىدىكى مۇناسىۋەتنى تەڭشەشكە ماھىر، ئۇنىڭ بىلەن ھەمكارلاشقان توپچىلاردىن ئۇنىڭ يامان گېپىنى قىلىپ باققىنى يوق دىيەرلىك، بۇنىڭ ھەممىسى بايرېننىڭ ئەنچىلوتتىنى ئىنتايىن ياقتۇرىدىغان تەرەپ.

       ھازىر ئەنچىلوتتىنىڭ بايرېنغا كىرىشى ئاساسىي جەھەتتىن %80-90 مۇقىملىشىپ بولدى. پالمېرى بولسا beIN نىڭ تەنتەربىيە مۇخبىرى، CNN ۋە «مىلان تەنتەربىيە گېزىتى» قاتارلىق داڭلىق تاراتقۇنىڭ ماقالە يازغۇچىسى، بۇ سالاھىيەتنى ناھايىتى كۈچلۈك بولغان ئىشىنىشچانلىق ھازىرلىغان دېيىشكە بولىدۇ.