دۇنيا كۇلۇبلار لوڭقىسى يېرىم ھەلقىلغۇچ مۇسابىقىسىدا، بارسېلونا خېڭدانى 3-0 نەتىجىدە مەغلۇپ قىلىپ ھەل قىلغۇچقا كىردى، ئىككى تەرەپنىڭ ئەمەلىي كۈچىدىن قارىغاندا، بۇ نەتىجە ھەرگىزمۇ تاسادىپىيلىق ئەمەس. گەرچە مېسسى ۋە نېيمار قاتناشمىغان بولسىمۇ، ئەمما بارسېلونا خېڭدانى بېسىش خاراكتىرلىك ئۈستۈنلىكىنى كۆرسەتتى. ئىسپانىيە تاراتقۇسى «ئاس گېزىتى» نىڭ خەۋەر قىلىشىچە، خېڭدا ترېنېرى سىكولارى مۇسابىقىدىن كېيىن زىيارەت قوبۇل قىلغاندا: بارسېلوناغا 3-0 ئۇتتۇرۇش ھېچقانداق يۈز تۆكۈلگىدەك ئىش ئەمەس دېدى، ئۇ يەنە ئىلگىرى 4-0 نەتىجىدە بارسېلوناغا ئۇتتۇرغان مادرىدنى مازاق قىلىشنى ئۇنتۇلۇپ قالمىدى.

سىكولارى:«بىز 0-3 نەتىجىدە ئۇتتۇردۇق، ئەمما بۇ باشقا زەردارلارنىڭ بارسېلوناغا ئۇتتۇرىشىغا ئوخشىمايدۇ. بىز مادرىدقا ئوخشاش ئۇنداق 4-0 نەتىجىدە بارسېلوناغا ئۇتتۇرمىدۇق» دېدى.

     مېسسىنىڭ مۇسابىقىگە قاتناشمىغانلىقى توغرىسىدا، سىكولارى:«مەن ئازراق ئەپسۇسلاندىم. ئەمما رىقابەت سەۋىيەسىدىن ئېلىپ ئېيىتقاندا، بۇنىڭ مۇسابىقىگە تەسىرى چوڭ ئەمەس، مەن ئىلگىرى ئېيىتقان، ناۋادا مېسسى، نېيمارنىڭ ئوخشاش ۋاقىتتا مۇسابىقە قاتناشماسلىق تەسىرىنى يېڭەلەيدىغان بىر كوماندىنى ئىزدىسەك، ئۇ پەقەتلا بارسېلونا. پەقەت بارسېلونالا مۇشۇنداق قىلالايدۇ، چۈنكى ئۇلاردا 24،25 نەپەر ئىنتايىن يۇقىرى سەۋىيەلىك توپچى بار.» دېدى.

    ئۇتتۇرغانلىقىدىن ئۈمىدسىزلەنگەن-ئۈمىدسىزلەنمىگەنلىكى توغرىسىدا سورالغاندا، سىكولارى بارسېلوناغا ئۇتتۇرۇش ھېچقانداق يۈز تۆكۈلگىدەك ئىش ئەمەس دەپ ئىپادە بىلدۈردى، ئۇ:«ياق، مەن ئۈمىدسىزلىك ھېس قىلمىدىم. بىز 0-3 نەتىجىدە بارسېلوناغا ئۇتتۇردۇق، بۇنداق ئىش باشقا زەردار كوماندىلاردا ئىنتايىن كۆپ قېتىم يۈز بەرگەن. مەن ئۆزۈمنىڭ توپچىلىرىدىن پەخىرلىنىمەن، مەن پەقەت تەبىرىكلەيدىغانلىقىمنىلا بىلدۈرىمەن. توپچىلار ناھايىتى يۇقىرى سەۋىيەدە ئوينىدى، ئۇلار ھەركۈنى ئىلگىرلەۋاتىدۇ. مەن 0-3 نەتىجىدە مەغلۇپ بولۇشنى يەنىلا بىر خىل شەرەپ ھېس قىلىمەن، چۈنكى بىز بىر ئۇلۇغ كوماندىغا ئۇتتۇردۇق.» دېدى.

سىكولارى يەنە داۋاملىق:«بىزنىڭ مۇسابىقىنى ئۆزگەرتىش پۇرسىتىمىز بولمىدى، بارسېلونا مۇسابىقىنىڭ رىتىمىنى كونترول قىلىدىغان توپچىلارغا ئىگە، بىز بۈگۈن ئۇلاردىن نۇرغۇن نەرسىلەرنى ئۆگەندۇق.» دېدى.