تەيۋەن تاراتقۇلىرى خەۋىرى، ئەڭ يېڭى تەكشۈرۈش نەتىجىسىدە كۆرسىتىلىشىچە، %75 دىن يۇقىرى دۇنيانىڭ ھەر قايسى جايلىرىدىكى ساياھەتچى ساياھەتكە چىققاندا ئەقلىي ئىقتىارلىق يانفون ئېلىپ چىقىدىغانلىقىنى بىلدۈرگەن، بۇ نىسبەت ھەتتا تازىلىق قەغىزى، گىرىم بۇيۇملىرى قاتارلىق بۇيۇملاردىنمۇ يۇقىرى ئىكەن. بۇلارنىڭ ئىچىدە چوڭ قۇرۇقلۇق ساياھەتچىلىرنىڭ يانفونغا تايىنىش دەرىجىسى دۇنيا بويىچە بىرىنچى ئورۇندا تۇرغان، تەكشۈرۈشكە قاتناشقان%87 جۇڭگولۇق ساياھەتچى ساياھەتكە چىققاندا يانفون ئېلىپ چىقىدىغانلىقىنى بىلدۈرگەن.

     يەر شارى بويىچە، ئەڭ چوڭ ساياھەتچىلىك سۇپىسى ھېسابلىنىدىغان TripAdvisor مۇشۇ ئاينىڭ 16-كۈنى «2016-يىللىق دۇنيا ساياھەتچىلىك ئىقتىساد دوكلاتى» نى ئېلان قىلغان بولۇپ، دوكلات دۇنيانىڭ ھەر قايسى جايلىرىدىكى 44 مىڭ نەپەر ساياھەتچى ۋە مېھمانخانا كەسپى بىلەن شۇغۇللانغۇچى خادىمنى تەكشۈرۈش ئارقىلىق تەييارلانغان، بۇلار 32دۆلەت ۋە رايونغاتارقالغان بولۇپ، يېشى 18 ياشتىن 65 ياشقىچە بولغان كىشىلەرنى ئاساس قىلغان. بۇ دوكلات يەر شارى بويىچە كۆلىمى ئەڭ چوڭ ساياھەت كەسپى مۆلچەر دوكلاتى بولۇپ، 2016-يىلىدىكى پۈتۈن دۇنيادىكى ھەر قايسى دۆلەتلەرنىڭ ساياھەتچىلىك كەسپى تەرەققىيات يۆنىلىشىنى كۆرسىتىپ بېرىدۇ. دوكلاتتا دېيىلىشىچە، پۈتۈن يەر شارىدىكى %69 تەكشۈرۈشكە قاتناشقۇچى 2016-يىلى ئوخشىمىغان شەكىلىدىكى ساياھەت قىلىش ئۇسۇلىنى سىناپ باقىدىغانلىقىنى بىلدۈرگەن، جۇڭگودىكى تەكشۈرۈشكە قاتناشقۇچىلار ئىچىدە بۇ نىسبەت %83 گە يەتكەن. بۇلاردىن سىرت مال سېتىۋېلىش جۇڭگو ساياھەتچىلىرىنىڭ ساياھەت جەريانىدىكى يەنە بىر ئالاھىدىلىكى بولۇپ ھېسابلىنىدۇ، تەكشۈرۈشكە قاتناشقان %41 جۇڭگولۇق ساياھەتچى ساياھەت جەريانىدا مەخسۇس مال سېتىۋېلىش ئۈچۈن بىر چاماداننى ئارتۇق ئېلىۋالىدىغانلىقىنى بىلدۈرگەن، پۈتۈن دۇنيانىڭ ئوتتۇرىچە نىسبىتى بولسا %30، بۇ مال سېتىۋېلىشنىڭ جۇڭگو ساياھەتچىلرىنىڭ يەنە بىر مۇھىم ئالاھىدىلىكى ئىكەنلىكىنى بىلدۈرىدۇ.