مەركىزى بانكا ئورگان تور بېكتىنىڭ ئۇچۇرىغا ئاساسلانغاندا، جۇڭگو مەركىزى بانكىسى بىلەن ئەرەب بىرلەشمە خەلىپىلىكى مەركىزى بانكىسى 14- دېكابر ئىككى تەرەپلىك ئۆز دۆلىتىنىڭ پۇلىنى قارشى تەرەپنىڭ پۇلىغا بىۋاستە ئالماشتۇرۇش كېلىشىمى تۈزگەن، بىۋاستە ئالماشتۇرۇش كۆلىمى 35 مىليارد يۈەن خەلق پۇلى - 20 مىليارد ئەرەب بىرلەشمە خەلىپىلىكى دەرھەمى، كېلىشىمىڭ كۈچكە ئېگە مۇددىتى ئۈچ يىل قىلىپ بېكىتىلگەن، ناۋادا ئىككى تەرەپ قوشۇلسا، كېلىشم مۇددىتىنى يەنە داۋاملىق ئۇزارتىشقا بولىدىكەن.

     14- دېكابر ئىككى تەرەپ يەنە ئەرەب بىرلەشمە خەلىپىلىكىدە خەلق پۇلى بىلەن ھېسابات قىلىشنى ئورۇنلاشتۇرۇش توغرىسىدا ھەمكارلىق ئەسلەتمىسى ئىمزالىدى، ھەمدە خەلق پۇلى بۇيىچە مەبلىغى ئۆلچەمگە توشقان چەتئەل ئورگىنىغا مەبلەغ سالغۇچىلار سىناق نۇقتا رايونىنى ئەرەب بىرلەشمە خەلىپىلىكىگىچە كېڭەيتىشكە، مەبلەغ سېلىش كۆلىمىنى 50 مىليارد يۈەنگە يەتكۈزۈشكە قوشۇلدى.

     يۇقىرىقى ئورۇنلاشتۇرۇش جۇڭگو-ئەرەب بىرلەشمە خەلىپىلىكىنىڭ پۇل مۇئامىلە ھەمكارلىقىدا يېڭى بىر قەدەم ئالغانلىقىدىن دېرەك بېرىدۇ، بۇ جۇڭگو ۋە ئەرەب بىرلەشم خەلىپىلىكىدىكى كارخانا ۋە پۇل مۇئامىلە ئورگانلىرىنىڭ چېگرا ھالقىپ سودا قىلىشىغا پايدىلىق بولۇپ، ئىككى تەرەپلىك سودا ۋە مەبلەغ سېلىشنى قولايلىقلاشتۇرۇشنى ئىلگىرى سۈرىدۇ.