پارىژ كىلىمات كېلىشىمى بويىچە ھەرقايسى ئەللەر بۇلغىنىشنى ئازايتىشقا 16.5 تىرىللىيون ئامېرىكا دوللىرى مەبلەغ سېلىشقا توغرا كېلىدىكەن.

       14-چېسلا ب د ت كىلىمات يىغىنىدا پۈتۈشكەن كېلىشىمدە دۇنيادىكى ھەرقايسى ئەللەرنىڭ ئېنېرگىيە سىياسىتىگە قارىتا ئۈزۈل-كېسىل تەڭشەش، ھەمدە زور مەبلەغ ئاجرىتىپ يەر شارى مۇھىتىنىڭ بۇلغىنىشىنى ئازايتىش تەلەپ قىلىنغان.

     خەلقئارا ئېنېرگىيە مەھكىمىسىنىڭ ئېيتىشىچە، كېلىشىم نىشانىغا ئاساسلانغاندا (195 دۆلەت بۇ كېلىشىمگە ئىمزا قويغان)، 2030-يىلىدىن بۇرۇن قايتا ھاسىل بولىدىغان ئېنېرگىيە مەنبەسى ۋە ئېنېرگىيە مەنبەسىدىن پايدىلىنىش ئۈنۈمى جەھەتتە ھەرقايسى ئەللەر 5. 16 تىرىللىيون ئامېرىكا دوللىرى مەبلەغ سېلىشى كېرەك. بۇنى ئىشقا ئاشۇرۇش ئۈچۈن، ھەر قايسى ئەللەر پاكىز ئېنېرگىيە ئىشلەپچىقىرىشقا قارىتا قوزغىتىش تەدبىرلىرىنى قوللىنىش بىلەن بىللە، تاشقا ئايلانغان يېقىلغۇلارنى (كۆمۈر، تەبىئىي گاز، نېفىت قاتارلىقلار) ئازايتىش ۋە مۇشۇ خىل ئۇسۇل ئارقىلىق ئىس تۈتەك قويۇپ بېرىش مىقدارىنى ئازايتىپ، دەل-دەرەخلەرنى قالايمىقان كېسىشنى ئازايتىشقا توغرا كېلىدۇ. بۇ تەدبىرلەر قاتناش ۋە قۇرۇلۇش قاتارلىق ھەممە ساھەلەرگە چېتىلىدىغان بولۇپ، كىشىلەرنىڭ مۇھىت ئاسراش ئېڭىنى ھەر تەرەپتىن يۇقىرى كۆتۈرۈشكە پايدىلىق.

     مەزكۇر كېلىشىم يەر شارىنىڭ ھاۋا تېمپېراتۇرىسىنى سانائەت ئىنقىلابىدىن بۇرۇنقى ئۆرلەش ئامپىلىتۇتىسى 2 گىرادۇس ھالەتكە چۈشۈرۈشنى نىشانلىغان بولۇپ، ھەرقايسى ئەللەردىن تىرىشىپ ھاۋا تېمپېراتۇرا ئۆرلەش چېكىنى 5. 1 گە چۈشۈرۈش تەلەپ قىلىنغان. ئەلۋەتتە بۇ بىزدىن ھازىردىن باشلاپ تاشقا ئايلانغان يېقىلغۇنى ئىشلىتىش مىقدارىنى ئازايتىپ، ئامالنىڭ بېرىچە ئاممىۋى قاتناشقا ئولتۇرۇشىمىزنى، ھەر يىلقى كۆچەت تىكىش بايرىمىدا كۈچىمىزنىڭ يېتىشىچە بىر تۈپ بولسىمۇ كۆچەت تىكىپ، بۇ چوڭ ئائىلىمىزنىڭ باغرىنى ياشارتىشىمىزنى تەلەپ قىلىدۇ.