ئۆتكەن ھەپتە تۇمان-تۈتەك باستۇرۇپ كەلگەندە، NASA (ئامېرىكا ئاۋىياتسىيە ئالەم قاتنىشى ئىدارىسى) جۇڭگونىڭ شىمالىدىكى تۈتەك قاپلىغان رايونلارنىڭ كىشىنى چۆچۈتىدىغان سۈنئىي ھەمراھ سۈرىتىنى ئېلان قىلغان ئىدى.

      بۇ بىر نەچچە كۈندىن بىرى تۈتەك يەنە بىر قېتىم ھۇجۇم قىلىپ، بېيجىڭ تۇنجى قېتىم تۈتەكلىك ھاۋارايى قىزىل رەڭلىك ئاگاھلاندۇرۇشى چىقىرىپ، ئوتتۇرا-باشلانغۇچ مەكتەپلەر دەرس توختاتتى، ماشىنىلار تاق-جۈپ نومۇر بويىچە مېڭىش يولغا قويۇلدى، قۇرۇلۇشلار ئىش توختاتتى. NASA نىڭ Aqua سۈنئىي ھەمراھى يەنە بىر قېتىم جۇڭگوغا توغرىلىنىپ، تېخىمۇ قورقۇنچلۇق كۆرۈنۈشنى سۈرەتكە تارتتى.

       بۇ سۈرەت 12-ئاينىڭ 7-كۈنى تارتىلغان بولۇپ، بېيجىڭ، تيەنجىن، خېبېينىڭ كۆپ قىسىمى، سەنشىنىڭ شىمالىي قىسمىنى ئۆز ئىچىگە ئالغان پۈتكۈل شىمالىي جۇڭگو تۈزلەڭلىكى ھەتتا بوخەي دېڭىزىنىڭ كۆپ قىسىمى پۈتۈنلەي تۈتەك ئاستىدا قالغان. شۇنىڭ بىلەن ۋاقىتتا، تەيخاڭشەن تېغىدىن ھالقىپ ئۆتۈپ، گۇەنجۇڭ تۈزلەڭلىكىنى قاپلاپ، شىمالغا قاراپ سېرىق توپىلىق ئېگىزلىكىگىچە يامرىغان.

       جەنۇبتا چىنلىڭ تاغ تىزمىسى بولغانلىقتىن، سىچۈەن، چۇڭچىڭ رايونلىرى بۇ قېتىمقى تۈتەك ھۇجۇمىدىن ساقلىنىپ قالغان.

خۇاڭخې دەرياسى، خۇەيخې دەرياسى رايونلىرىدا ئاق رەڭلىك بۇلۇت قەۋىتى بولۇپ، بىراق يەنىلا زور مىقداردا تۈتەك ئارىلاشقان. چاڭجياڭ ۋادىسىمۇ ساق قالمىغان بولۇپ، كۈل رەڭلىك تۈتەك بىلەن قاپلانغان.