12-ئاينىڭ 9-كۈنى پەن-تېخنىكا تورى TechRadar ئاخبارات ئېلان قىلىپ، گۇگۇل شىركىتىنىڭ سىمسىز روتېرلارنىڭ كىشىلەر قەلبىدىكى قوپال قىياپىتىنى ئۆزگەرتىپ، سىمسىز روتېرنى مېھمانخانىنىڭ يارقىن نۇقتىسىغا ئايلاندۇرىدىغانلىقىنى ئاشكارىلىغان. يېقىندا گۇگۇل شىركىتى بىر يۈرۈش سىمسىز روتېرلارنىڭ قوغداش قېپىنى بازارغا سالغان بولۇپ، ئۇنىڭدىن باشقا ئىشلەتكۈچىلەر يەنە ئۆزى قول سېلىپ ئۆزىگە خاس بولغان روتېر قوغداش قېپى لاھىيلىسە بولىدىكەن.                                                                                               

     مېۋە تەخسىسى، گۈل تەشتىكى، ياكى ئويۇنچۇق شەكلىدىكى سىمسىز روتېرلار پات ئارىدا مەيدانغا چىقىدىغان بولۇپ، گۇگۇل شىركىتى قارا ياكى ئاق، شەكلى قوپال سىمسىز روتېرلارنى مۇشۇنداق قىزىقارلىق نەرسىلەرگە ئوخشاش قىلىپ ئىشلەپچىقىرىدىكەن.

سىمسىز روتېرنىڭ مەيدانغا كېلىش تارىخىغا قارايدىغانلا بولساقمۇ، دەسلەپكى سىمسىز روتېر مەيدانغا كەلگەندىن تا ھازىرغىچە سىمسىز روتېر ئانتېننا، گەۋدە قىسمى ۋە توختىماي يېنىپ تۇرىدىغان چىراغدىن ئىبارەت مۇشۇنداق شەكىلدە ئىدى. ھازىر سىمسىز روتېر كىشىلەرنىڭ ئۆيىدە كەم بولسا بولمايدىغان مۇھىم ئەزاغا ئايلانغان بولسىمۇ، لېكىن ھەمىشە باشقىلار كۆرمەيدىغان بۇلۇڭ-پۇچقاقلارغا ئورۇنلاشتۇرۇلىدۇ.

لېكىن گۇگۇل شىركىتى بۇ ئەھۋالغا خاتىمە بەرمەكچى بولۇپ، ئۇلار پات ئارىدا OnHub Shells ۋە OnHub Makers پىلانىنى ئوتتۇرىغا چىقىرىپ، كۆركەم، ئوماق لاھىيىلەرنى قوللىنىپ سىمسىز روتېرلارنىڭ تەقدىرىنى ئۆزگەرتىپ، سىمسىز روتېرلارنى مېھمانخانىغا باشلاپ كىرمەكچى بولغان.

ئۇنداقتا بۇ پىلان زادى قانداقراق پىلاندۇ؟

گۇگۇل شىركىتى ئاللىبۇرۇن كۆپ خىل OnHub Shells نى بازارغا چىقىرىپ بولغان بولۇپ، ماھىيەتتىن ئېيتقاندا، بۇ پەقەت بىر ئالماشتۇرۇشقا بولىدىغان قوغداش قېپىدىن ئىبارەت.

لېكىن OnHub Makers بولسا بىر ئىجادىي تەپەككۇر بازىرى بولۇپ، بۇ يەردە سەنئەتكارلار ئۆزىنىڭ تەسەۋۋۇرىنى جارى قىلدۇرۇپ، ھەر خىل سىياقتىكى قوغداش قاپلىرىنىڭ لايىھەسىنى ئوتتۇرىغا قويسا بولىدۇ.

بۇ لايىھەلىگۈچىلەرنىڭ لايىھەسى قەيەردە سېتىلىدۇ؟ بۇ مەسىلە ئىنتايىن قولايلىق ھالدا ھەل قىلىنغان بولۇپ، ئىشلەتكۈچىلەر بىۋاسىتە لايىھەلىگۈچىنىڭ ئۆزىنىڭ تور بېتىدىن سېتىۋالسىمۇ، ياكى گۇگۇل شىركىتى تەمىنلىگەن گۇگۇل Play Store دىن سېتىۋالسىمۇ بولىدۇ.

ئۇنىڭدىن باشقا قول سىلكىپ ئىشلەش ئىقتىدارى ياخشى بولغان ئىشلەتكۈچىلەر ئۆزى قول سېلىپ بۇ خىلدىكى سىمسىز روتېر قوغداش قېپىنى ياسىسىمۇ بولىدىغان بولۇپ، گۇگۇل شىركىتى ئالاقىدار تېخنىكا كۆرسەتمىسى بىلەن تەمىنلەيدىكەن. شۇڭا ئىشلەتكۈچىلەر ئۆزىنىڭ ئېھتىياجى، قىزىقىشى بويىچە ھەر خىل سىمسىز روتېر قوغداش قېپىنى لايىھەلەپ ئىشلەتسە بولىدىكەن.