ۋاڭيى تورى خەۋىرى لەگلەك تورى تەرجىمىسى .يەر شارىدىكى ئەڭ چوڭ قۇياش ئېنېرگىيىلىك ئايروپىلان قۇياش ئىمپۇلسى ئىككىنچى شۇ يەر ۋاقتى 9-مارت سەھەر سائەت يەتتىدىن ئون ئىككى مىنوت ،يەنى ئۈرۈمچى ۋاقتى 9-مارت چۈشتىن بۇرۇن سائەت توققۇزدىن ئون ئىككى مىنوت ئۆتكەندە ئەرەب بىرلەشمە خەلىپىلىكى پايتەختى ئەبۇزۇبىدىن قوزغىلىپ تۇنجى قېتىملىق يەر شارىنى ئايلىنىش سەپىرىنى باشلىدى .
بۇنىڭدىن ئىلگىرى ئېلان قىلىنغا يەر شارىنى ئايلىنىش يول خەرىتىسىگە ئاساسەن قۇياش ئىمپۇلسى ئىككىنچى ئەبۇزەبىدىن قوزغىلىپ شەرققە قاراپ ئۇچىدۇ ،سەپىرىدە ئەرەب دېڭىزى ،ھىندىستان ،بېرما ،جۇڭگو ،تىنىچ ئوكيان ،ئامېرىكا ،ئاتلانتىك ئوكيان ،جەنۇبىي ياۋروپا ۋە شىمالى ئافرىقىنى بېسىپ ئۆتۈپ ئاخىرى بۇ يىل ئىيۇلدا ئەبۇزەبىگە قايتىپ كېلىدۇ .

يەر شارنى ئايلىنىش ئومۇمىي مۇساپىسى 35 مىڭ كىلومېتىرغا يېتىدۇ .جەمئىي 12 شەھەردە توختايدۇ ،ئارىسىدا دۆلىتىمىزنىڭ چۇڭچىڭ نەنجىڭ شەھەرلىرىمۇ بار .قۇياش ئىمپۇلسى ئىككىنچى ئەسلى بىرىنچى مارت ئۇچۇشنى پىلانلىغان ئىدى . ئەمما ئەبۇزەبىنىڭ قۇم بورانلىق ناچار ھاۋا كىلىماتىنىڭ تەسىرىدە ئاخىر بورانلىق ناچار ھاۋا كىلىماتىنىڭ تەسىرىدە ئاخىرى 9-مارتقا كېچىكتۈرۈلدى .
9-مارت قۇياش ئىمپۇلسى تۈرىنىڭ موناكونىڭ مونتېكارلو شەھىرىگە جايلاشقان تۈر كونتروللۇق مەركىزىدىكى بارلىق خىزمەتچىلەرنىڭ نەزىرى شىۋىتساتىيەدىن كەلگەن بۇ غايەت زور قۇياش ئېنېرگىيىلىك ئايروپىلانغا تىكىلدى .ئايروپىلاننىڭ ئاستا كۆتۈرۈلۈشىگە ئەگىشىپ كونتروللۇق مەركىزىدە ئالقىش ساداسى ياڭرىدى . قۇياش ئىمپۇلسى ئىككىنچى ئىنسانلارنىڭ تارىخىدا قۇياش ئېنېرگىيىلىك ئايروپىلاننىڭ تۇنجى قېتىم يەر شارىنى ئايلىنىپ ئۇچۇش سەپىرىنى باشلىدى.

ئىگىلىنىشىچە بەش ياشلىق يەر شارىنى ئايلىنىش سەپىرىدە قۇياش ئىمپۇلسى ئىككىنچىنىڭ ئاسماندا ئۇچىدىغان ئەمەلىي ۋاقتى پەقەت 25 كۈن بولىدىكەن . بۇ بىر ئۇچقۇچى ئولتۇرىدىغان ئايروپىلان نەچچە كۈندە بىر قېتىم قونۇپ ئۇچقۇچى ئالمىشىدىكەن .ئۇچقۇچىلار ئالماشقاندىن كېيىن ئۇلار يەرگە چۈشكەن جايدىكى ھۆكۈمەت ئورگانلىرى مەكتەپلەر بىلەن مۇھىت ئاسراش ۋە سىجىل تەرەققىياتقا مۇناسىۋەتلىك بىر قاتار تەشۋىقات ئومۇملاشتۇرۇش پائالىيەتلىرىنى ئۆتكۈزىدىكەن .
قۇياش ئىمپۇلسى تۈرىنىڭ تەشەببۇس قىلغۇچىسى شىۋىتسارىيىلىك ئېكسپېدىتسىيىچى بېرتاند پىككارد بىلەن ئاندېر بورشبېرگ ئايروپىلاننى نۆۋەتلىشىپ ھەيدەيدۇ . ئۇلار ئەڭ دەسلەپ لايىھىلەپ ياسىغان قۇياش ئىمپۇلسى 7-ئاپرىل تۇنجى قېتىم ئۇچتى .ئارقىدىن ئۇدا كېچە كۈندۈز ئۇچۇش دۆلەت ئاتلاپ ۋە قىتئە ئاتلاپ ئۇچۇشنى ئەمەلگە ئاشۇردى .2014-يىلى ئاپرىلدا دەرىجىسى كۆتۈرۈلگەن قۇياش ئىمپۇلسى ئىككىنچى مەيدانغا كەلدى .

ئۇ پۈتۈنلەي قۇياش ئېنېرگىيىسى بىلەن ھەرىكەتلۈندۈرگەندىن سىرت يەنە كېچە كۈندۈز ئۇدا ئۇچالايدۇ .بۇ ئايروپىلان قوش قانىتىنىڭ ئۇزۇنلىقى 72 مېتىر بۇلۇپ بوئىن 800-747 يەنى بوئىن يەتتە يۈز قىرىق يەتتە سەككىز يۈز تىپلىق يولۇچى ئايروپىلاننىڭ قانىتى بىلەن باراۋەر دېگەنلىك.ئەمما ئېغىرلىقى پەقەتلا 03 توننا كېلىدۇ .ئەڭ يۇقىرى ئۇچۇرۇش ئېگىزلىكى 8500 مېتىرغا يېتىدۇ ،ئەڭ يۇقىرى سائەتلىك سۈرئىتى 140 كىلومېتىرغا يېتىدۇ .ئايروپىلان گەۋدىسى ۋە قانىتىغا ئىنتايىن يېنىك بولغان كاربون تالالىق ماتېرىيال ئىشلىتىلگەن بۇلۇپ ،قانىتىغا 17248 پارچە ئالاھىدە نېپىز يۇقىرى ئۈنۈملۈك قۇياش ئېنېرگىيە باتارىيەلىرى تاختىسى ئورنىتىلغان .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK