ئامېرىكا «ۋاشىنگىتون كۈندىلىك پوچتا گېزىتى» نىڭ 7-چېسلا خەۋەر قىلىشىچە، ئامېرىكا ماسساچۇستىس شىتاتىنىڭ پارلامېنت ئەزاسى سىتېفېن لىيىنىچ مۇنۇلارنى ئاشكارلىغان، يېقىندا پارلامېنت تەكشۈرۈش ئارقىلىق ئامېرىكا دۆلەت زېمىن بىخەتەرلىك مىنىستىرلىقىنىڭ 72 نەپەر خادىمى ئامېرىكا تېررورچىلار تىزىملىكىگە كىرگۈزۈلدى.

    سىتېفېن لىيىنىچ مۇخبىرنىڭ زىيارىتىنى قوبۇل قىلغاندا مۇنداق دېدى:«بۇ يىل 8-ئاينىڭ ئاخىرىدا، بىز دۆلەت زېمىن بىخەتەرلىكى مىنىستىرلىقى خادىملىرىغا قارىتا بىر قېتىملىق تەكشۈرۈش ئېلىپ باردۇق، تەكشۈرۈش نەتىجىسىگە ئاساسەن  72 نەپەر خادىم ئامېرىكا تېررورچىلار تىزىملىكىگە كىرگۈزۈلدى. شۇنىڭ بىلەن دۆلەت زېمىن بىخەتەرلىك مىنىستىرى ۋەزىپىسىدىن ئىستىپا بېرىشكە مەجبۇر بولدى.»

   خەۋەردە دېيىلىشىچە، ئىچكى بىخەتەرلىك مىخانىزىمى ۋە دۆلەت مەسئۇلىيىتىنى قوغداش خىزمىتى جەھەتتە، دۆلەت زېمىن بىخەتەرلىك مىنىستىرلىقى تەكشۈرۈشتىن ئۆتەلمىگەن بولۇپ، سىتېفېن لىيىنىچ مۇنداق دېدى، دۆلەت زېمىن بىخەتەرلىكى مىنىستىرلىقى نازارەت قىلىدىغان ئامېرىكا قاتناش بىخەتەرلىكىنى باشقۇرۇش ئىدارىسى ئېلىپ يۈرۈشى چەكلىنىدىغان بۇيۇملارنىڭ ئايرودروم بىخەتەرلىك تەكشۈرۈش جەريانىدا مەغلۇب بولۇش نىسبىتى %95 دىن ئاشىدىكەن.

   سىتېفېن لىيىنىچ مۇنداق دېدى:«بىز ئوخشاش بولمىغان سەككىز ئايرودرومغا ئادەم ئەۋەتىپ دۆلەت زېمىن بىخەتەرلىكى مىنىستىرلىقىنىڭ تەكشۈرۈش تەرتىپىنى تەكشۈردۇق، بىر ئادەم پاقالچىقىغا تاپانچا قىستۇرىۋالغان، يەنە بىر كىشىنىڭ يۈك-تاقىسىدا چەكلەنگەن قورال-ياراغ بار ئىدى، بىراق ئايرودروم تەرەپنىڭ بۇ چەكلەنگەن بۇيۇملارنى بايقاشتا مەغلۇب بولۇش نىسبىتى %95 تىن ئېشىپ كەتتى.»