1. يىقىلىپ زەخىملىنىشنى سوغۇق ئۆتكۈزۈپ داۋالاش: بەدەننىڭ مەلۇم بىر قىسمى زەخىملەنگەندە، بولۇپمۇ ئۆسمۈرلەر يىقىلىپ چۈشكەندە ئاسانلا قانلىق ئىششىق پەيدا بولىدۇ. بۇنداق ۋاقىتتا، دەرھال توڭلاتقۇدىكى مۇزنى ئېلىپ پاكىز پاختا رەختكە ئوراپ يەرلىك ئورۇنغا سوغاق ئۆتكۈزۈپ بەرسە ، زەخىملەنگەن ئورۇن مۇزنىڭ تەسىرىدە غىدىقلىنىپ قان تومۇرلار قىسقىراپ، قان چىقىشنى توختىتىپ ، قانلىق ئىششىقنى يىنىكلىتىدۇ. ھەم ئاغرىق توختىتىش ئۈنۈمى بولىدۇ. شۇنىڭغا دىققەت قىلىش كېرەككى، مۇز پارچىسى بىلەن سوغۇق ئۆتكۈزۈش ئادەتتە بىر نەچچە مىنوت بولسىلا بولىدۇ، ئۇزاق تۇرغۇزۇشنىڭ ھاجىتى توق.

2. يۈرەك ھەركىتى تېزلىشىپ كەتكەندە لۆڭگىنى يۈزىگە يېپىپ داۋالاش: ئادەمنىڭ يۈرەك رېتىمى مىنۇتىغا 100~140 قېتىمدىن ئېشىپ كەتكەندە، لۆڭگىنى مۇزدەك سۇغا چىلاپ سىقىپ ئېلىپ ، يۈزىگە بىر نەچچە مىنۇت يېپىپ بەرسە يۈرەك رېتىمى تەدرىجىي ئەسلىگە كېلىدۇ. دىققەت قىلىش كېرەككى ، بۇ ئۇسۇل ئادەتتىكى يۈرەك ھەرىكىتى تېزلىشىپ كېتىشكە ئۈنۈمى بولىدۇ. ئورگانلىق يۈرەك كېسىلى بارلارغا مۇۋاپىق كەلمەيدۇ.

3. مۇز پارچىسىدىن پايدىلىنىپ چىش ئاغرىقىنى داۋالاش: ئەگەر چىش ئاغرىسا، مۇز پارچىسىدىن ئېلىپ، خېگۇ پەللىسىگە قويۇش، ئوڭ تەرەپتىكى چىش ئاغرىسا مۇزنى سول تەرەپكە قويۇش، كېرەك. ئادەتتە مۇزنى بەش مىنۇت قويسىلا چىش ئاغرىقىى تېزلا توختايدۇ. بۇ ئۇسۇل بىلەن ئاغرىق توختىتىش ئۈنۈمى ئىككى سائەت ئەتراپىدا داۋاملىشىدۇ. ئادەتتە مۇزنى پەللىگە قويغان ھامان ئاغرىق توختايدۇ، ئەگەر مۇزنى ئىككى تەرەپتىكى پەللىگە قويسا، ئاغرىق توختىتىش ئۈنۈمى تېخىمۇ ياخشى بولىدۇ. بىراق مۇزدا توڭلىتىپ داۋالاش ئۇسۇلى پەقەت بىردەملىك بولۇپ، يىلتىزدىن ساقايتالمايدۇ، شۇڭا ئاغرىق توختىغاندىن كېيىن ، دەرھال دوختۇرخانىغا بېرىپ داۋالىتىش كېرەك.