نۆۋەتتە، بازارنىڭ ئامېرىكا فېدېراتسىيە زاپاس پۇل كومتېتىنىڭ 12-ئايلىق يىغىنىدا ئۆسۈم قوشۇشىغا بولغان مۆلچەرى پەۋقۇلئادە كۈچلۈك. ئۇنداقتا ئەگەر ئامېرىكا فېدېراتسىيە زاپاس پۇل كومىتېتى كېلەر ئايدا راستىنلا ھەرىكەت قىلسا، قايسى دۆلەت ياكى رايون شۇنىڭغا ئەگىشىدۇ؟ CNBC خەۋىرىدە مۇنداق دېيىلدى: ئىقتىسادشۇناسلارنىڭ مۆلچەرلىشىچە، مېكسىكا ، سەئۇدى ئەرەبىستان، پېرۇ، شياڭگاڭ مەمۇرىلىرىمۇ ئەگىشىپ ھەرىكەت قوللىنىشى مۇمكىن.

   مۇشۇ ئاينىڭ باشلىرى، جەنۇبىي ئافرىقا راندىنى دوللارغا ئالماشتۇرۇش قىممىتى چۈشكەن بولغاچقا، جەنۇبىي ئافرىقا مەركىزى بانكىسى 25 ئاساسى نۇقتا ئۆسۈم قوشۇشنى تاللىغان. باشقا مەركىزىي بانكىلىرى ۋە پۇل دائىرىلىرىمۇ بۇ ئۇسۇلنى قوللىنىشى مۇمكىن، شۇنداقلا ئۆز دۆلىتى پۇلىنى قوغداپ، كاپىتالنىڭ سىرتقا قېچىشى ۋە ئىمپورت مال باھاسىنىڭ زىيادە يۇقىرى بولىشىنى توسۇشى مۇمكىن.

لېكىن، ئىقتىسادشۇناسلار مۇنداق دەپ قارىدى، ئامېرىكا پۇل قىسلىقى سىياسىتىنىڭ دۆلەت ۋە رايونلاردا ئاز ساندا ئىجرا قىلىنىشىغا ئەگىشىپ، ئاساسىي ئېقىم يەنىلا كەڭ پۇل سىياسىتىنى قوللايدۇ. مەسلەن، ياۋروپا مەركىزىي بانكىسى 12–ئايلىق يىغىنىدا سىياسەتنى يەنىمۇ كەڭرەك قويۇۋېتىشى مۇمكىن ؛ ياپونىيە ئۇدا ئىككى پەسىل ناچار ئىقتىسادىي ئېشىشنى باشتىن كەچۈرگەندىن كېيىن، ئۆسۈم نىسبىتى ھازىرقى سەۋىيىنى ساقلاپ كېلىۋاتىدۇ.

   تارىختىن قارىغاندا ، ئامېرىكا فېدېراتسىيە زاپاس پۇل كومىتېتى دائىم بۇرۇن ھەرىكەت قوللىنىدۇ . 2001-يىلى 1-ئايدا ئامېرىكا ئۆسۈم نىسبىتىنى تۆۋەنلەتكەندە، ياۋرۇپا مەركىزى بانكىسىنىڭ ھەرىكىتى بەش ئاي ئالدىغا سۈرۈلگەن. ئامېرىكا 2004-يىلى 6-ئايدا ئۆسۈم ئۆستۈرگەندە، ياۋرۇپا مەركىزى بانكىسىنىڭ ھەرىكىتى 18 ئاي ئالدىغا سۈرۈلگەن. ئامېرىكا 2007-يىلى 9-ئايدا ئۆسۈم ئۆستۈرگەندە، ياۋرۇپا مەركىزى بانكىسىنىڭ ھەرىكىتى 11 ئاي ئالدىغا سۈرۈلگەن.

   تارىختىن قارىغاندا، گەرچە چوڭ تىپتىكى مەركىزىي بانكىلار پۇل سىياسىتى جەھەتتە قاتتىق ماس قەدەملىك بولمىسىمۇ، لېكىن ئوتتۇرا مەزگىلدىن قارىغاندا، ئۇلارنىڭ ئاساسي ئاساسەن ئوخشاش بولىدۇ.