سۇنئىي ئۇسۇلدا ئادەم مېڭىسىنى يىتىشتۈرۈش %99 تاماملاندى

گەرچە ئىنسانلار تەجرىبىخانىدا غول ھۈجەيرە ياردىمى ئارقىلىق ، جىگەر ، يۈرەك قاتارلىق ئادەم بەدىنى ئەزالىرىنى يىتىشتۈرۈپ چىقالىغان بولسىمۇ، ئەمما سۈنئىي مېڭىنى يىتىشتۈرۈش ۋە ئادەم بەدىنىگە يۆتكەش تەجرىبىسى يەنىلا سىناپ كۆرۈش باسقۇچىدا تۇرىۋاتىدۇ.

ئامېرىكا ئوخېئو شتاتى ئۇنىۋېرسىتېتىنىڭ تەتقىقات كوللىكتىپى تەجرىبىخانىدا سۇنئىي ئۇسۇلدا ئادەم مېڭىسىنى يېتىشتۈرۈش چىققان بولۇپ، سۇنئىي ئادەم مېڭىسى بەش ھەپتىلىك بولغان تۆرەلمىنىڭ مېڭىسى بىلەن ئوخشاش ھالەتكە كەلگەن. نۆۋەتتە پەقەت %1 گېن تۈزۈلۈشى تاماملانسا، بۇ سۇنئىي ئادەم مېڭىسىنى يىتىشتۈرۈش خىزمىتى تاماملانغان بولىدۇ.

خەۋەرلەردە كۆرسىتىلىشىچە،فارماكولوگىيە پروفېسسور ئانەندې 2015-يىلى ھەربىي داۋالاش سىستېمىسى مۇھاكىمە يىغىنىدا ئېلان قىلغان تەتقىقات نەتىجىسىدە مۇنداق دەپ كۆرسەتكەن: تەتقىقاتچىلار قۇرامىغا يەتكەن كىشىلەرنىڭ تېرە ھۈجەيرىسىنى ئۆزگەرتىپ، كۆپ ئىقتىدارلىق IPS غول ھۈجەيرىسىگە ئايلاندۇرغان. كېيىن يىتىلدۈرۈلگەن ھۈجەيرە ئۆسۈش ھاسىل قىلغۇچى ئوخشاش بولمىغان ھۈجەيرىلەرگە ئايلىنىپ، سىگنال تارقىتىپ چوڭ مېڭىنىڭ ھەركىتىگە قوماندانلىق قىلىدۇ.

تەتقىقاتچىلار ئادەم مېڭىسىنى ئۆسۈش ئىمكانىيىتىگە ئىگە قىلىپ،چوڭ-كىچىكلىكى خۇددى بىرتال تال قېرىنداش قەلەمنىڭ ئۆچۈرگۈچى چوڭلۇقىدا بولغاندا، مېڭە ئىچىدە نۇرغۇنلىغان نېرۋا ھۈجەيرىسى ھەم نىرۋا تالاسى، نېۋرون ۋە سىگنال يەتكۈزۈش ئىقتىدارىغا ئىگە بولغان دەرەخسىمان ئۆسۈكچە، ئىممۇنىتېت ھۈجەيرىسى قاتارلىقلار يىتىشىپ چىقىپ، ئوخشاش چوڭلۇقتىكى تۆرەلمە مېڭە قىسمىنىڭ % 99 گىنىغا ئىگە بولىدىكەن.

فارماكولوگىيە پروفېسسور ئانەندې:«ئەگەر بۇ چوڭ مېڭە 16 ھەپتىدىن 20 ھەپتىگىچە داۋاملىق ئۆستۈرۈلسە، قالغان %1 گىن تولۇقلىنىشى مۇمكىن دېدى.

بۇ تەتقىقاتنىڭ ئەڭ چوڭ ئەھمىيىتى بولسا، ئۆستۈرۈش قاچىسى ئىچىدىكى مودېل، ھەقىقىي ئىنسانلار چوڭ مېڭىسى گىرىپتار بولىدىغان نېرۋا سىستېمىسى كېسىلىنى تەقلىد قىلىپ چىققان بولۇپ، بۇنىڭغا ھايۋانات مودېلى ئىشلىتىشنىڭ ھاجىتى يوق.