تېڭشۇن تورى خەۋىرى : لەگلەك تورى تەرجىمىسى

 جۇڭگو ئاخبارات تورى 3- ئاينىڭ 7- كۈنى تېلېگراممىسى، چەتئەل تاراتقۇلىرىنىڭ -7 كۈنىدىكى خەۋىرىگە ئاساسلانغاندا، ئامېرىكا كالىفورنىيە شىتاتىدىكى بىر قىز بوۋاق تۇغۇلغاندا تېنىدە ئەيدىز ۋىروسى بار ئىكەن، دوختۇرلار دەرھال ئۇنىڭغا يۆتكىلىشچان ۋىروسلارغا قارشى تۇرىدىغان دورىلىق داۋالاش ئېلىپ بارغان. ھازىر بوۋاق بىر ياش ئەتراپىدا، تېنىدە بۇ خىل ۋىروسلار تېپىلمىغان.

  خەۋەرگە ئاساسلانغاندا، بۇ ئىككىنچى قېتىملىق بوۋاق داۋالاشتىن كىيىن ۋىروس يوقالغانلىق شۇنداقلا مېدىتسىنا ساھەسىنىڭ ئەيدىز بىمارلىرىنى داۋالاش ئىشەنچىنى ئاشۇرغانلىق مىسالى.

  ئامېرىكا جون خوپكىنس ئۇنىۋېرسىتېتى قاتارلىق ئورگانلارنىڭ تەتقىقاتچىلىرى شۇ يەر ۋاقتى -5 كۈنى بوستوندىكى بىر ئەيدىز كېسىلى ئىلمىي يىغىنىدا بۇ نەتىجىنى ئېلان قىلغان. ئەمما مەزكۇر ئۇنىۋېرسىتېتنىڭ ئەيدىز كېسىلى مۇتەخەسسىسى دېبرا پېرساد بۇ قىز بوۋاقنىڭ تېخىچە يۆتكىلىشچان ۋىروسلارغا قارشى تۇرىدىغان دورىلىق داۋالاشنى قۇبۇل قىلىۋاتقانلىقىنى، شۇڭا ئۇ بۇۋاقنى ساقايدى دېيىشكە تېخى بولمايدىغانلىقىنى بىلدۈردى.

  بۇلتۇر ئۈچىنچى ئايدا پېرساد قاتارلىقلار تۇنجى قېتىم بىر ئەيدىز كېسىلى بوۋاقنى داۋالاپ ساقايتقانلىقىنى ئېيتقان، بۇ بالا تۇغۇلغاندىن كېيىن داۋالاشنى قۇبۇل قىلىپ، 18 ئايلىق بولغاندا كۈتۈلمىگەندە داۋالاش بىر مەزگىل ئۈزۈلۈپ قالغان. كېيىن دوختۇرخانىغا كىرگەندە ۋىروس تەكشۈرۈش دوكلاتىنىڭ نەتىجىسىدە مەنپىي كۆرۈنگەن. پېرسادنىڭ دىيىشىچە بۇ بوۋاق ھازىر ئۈچ يېرىم ياش بولۇپ، تېنىدە كېسەللىك ۋىروسى بايقالمىغان.