كارتېر: ئىراننىڭ يادرو كېلىشىمىدىن كېيىنمۇ ئامېرىكا ئارمىيەسى ئىراننى جازالاپ كېلىۋاتىدۇ
جۇڭگو ئۇيغۇرچە رادىيو تورى 30-ئىيۇل بېيجىڭ خەۋىرى:
ئامېرىكىنىڭ دۆلەت مۇداپىئە مىنىستىرى كارتېر 29-ئىيۇل مۇنۇلارنى بىلدۈردى: ئامېرىكا بىلەن ئىران يادرو كېلىشىمى ئىمزالىغاندىن كېيىن، ئامېرىكا ئوتتۇرا شەرق رايونىدا يەنىلا ئىراننىڭ ھەربىي ئىقتىدارىنى چەكلەپ كېلىۋاتىدۇ. كارتېر شۇ كۈنى ئاۋام پالاتاسى ھەربىي ئىشلار كومىتېتىنىڭ ئىسپات ئاڭلاش يىغىنىدا قاتناشقاندا مۇنداق دېدى: ناۋادا ئىران ئوتتۇرا شەرق رايونىدا ھەر قانداق ھەربىي ھەرىكەت قوللانسا، ئامېرىكا ئارمىيەسىنىڭ بۇ رايوندىكى ھەربىي ئورۇنلاشتۇرۇشى ۋە ئىلغار ئۇرۇش قىلىش ئىقتىدارى ئامېرىكا ئارمىيەسىنىڭ ۋەزىيەتنى تېزدىن كونترول قىلىشىغا كاپالەتلىك قىلالايدۇ. كارتېر: ئامېرىكا ئىسرائىلىيە بىلەن بولغان ھەربىي ھەمكارلىقىنى كۈچەيتىپ، ئىسرائىلىيەنى F-35تىپلىق كۆرۈنمەس ئۇرۇش ئايروپىلانىنى ئۆز ئىچىگە ئالغان ئىلغار قوراللار بىلەن تەمىنلەپ، ئامېرىكىنىڭ بۇ رايوندىكى بىخەتەرلىك مەنپەئەتىنى قوغدايدۇ دەپ تەكىتلىدى.