شىنخۇا تورى ، موسكۋا ، 16-ئىيۇل تېلېگراممىسى : 15-ئىيۇل ئەتىگەن قاتناش بېسىق ۋاقىتتا ، موسكىۋا مېتروسى ‹‹ ھاۋارەڭ ›› لىنىيەسىنىڭ غالبىيەت باغچىسى بېكىتىدىن سلاۋيانسك بېكىتىگىچە بولغان ئارىلىقىدا توك بېسىمى تۆۋەنلەپ كېتىپ ، مېترو سىگنال سىستېمىسى جىددىي ئاگاھلاندۇرۇش سىگنالى تارقاتقان ، بۇ ۋاقىتتا ، بۇ بۆلەكتىن ئۆتۈپ كېتىۋاتقان بىر پويىز جىددىي تورمۇز قىلغاندا ، ئۈچ ۋاگون رېلىستىن چىقىپ كېتىپ ، 21 ئادەم قازا قىلغان .

جۇڭگونىڭ رۇسىيەدە تۇرۇشلۇق باش ئەلچىخانىسى كونسۇل بۆلۈمىنىڭ ئەمەلدارى موسكۋا ۋاقتى 16-ئىيۇل سەھەر شىنخۇا ئاگېنتلىقى مۇخبىرىغا ئىككى نەپەر جۇڭگولۇق ئەرنىڭ بۇ قېتىمقى ۋەقەدە قازا قىلغانلىقىنى ئېيتقان .

رۇسىيە زۇڭتۇڭ ئاخبارات ئىدارىسىنىڭ 15-ئىيۇل ئېلان قىلغان ئاخباراتىدا دېيىلىشىچە ، شۇ كۈنى رۇسىيە زۇڭتۇڭى پۇتىن مېترو ۋەقەسىدە قازا قىلغانلارنىڭ ئائىلە تاۋابىئاتلىرىدىن سەمىمىي ھال سورىغان ھەمدە رۇسىيە فېدېراتىپ تەكشۈرۈش كومىتېتىنىڭ بۇ ۋەقەنى جىنايى ئىشلار بويىچە قاتتىق تەكشۈرۈشىنى تەلەپ قىلغان .