7-ئىيۇل ياپونىيەدىكى بىلىملىك زاتلاردىن تەشكىللەنگەن ياپونىيە شەھەر ئاھالىسى تەشكىلاتى «مۇراياما سۆھبىتىگە ۋارىسلىق قىلىش ۋە ئۇنى جارى قىلدۇرۇش جەمئىيىتى» ئابې شىنزو ھۆكۈمىتىنىڭ ئۇرۇش قانۇن لايىھەسىنى مەجبۇرىي ماقۇللىغانلىقىنى تەنقىدلىدى، ياپونىيە ھۆكۈمىتىنى تارىخقا توغرا قاراشقا دەۋەت قىلدى. ياپونىيەدىكى داڭلىق يازغۇچى خاندو كازۇتۇشى مۇنۇلارنى بىلدۈردى: ئابې

　　شىنزو «تاجاۋۇزچىلىق»، «مۇستەملىكە ھۆكۈمرانلىقى»، «كەچۈرۈم سوراش» قاتارلىق سۆزلەرنى ئۇرۇشتىن كېيىنكى 70 يىللىق سۆھبىتىگە چوقۇم كىرگۈزۈشى كېرەك، ياپونىيە ھۆكۈمىتى ھەر كۈنى دېگۈدەك تارىخ ئۈستىدە ئويلاندۇق، ئەمدى كەچۈرۈم سورىمايمىز دەپ داۋراڭ سېلىپ، ياپونىيەنىڭ تاجاۋۇزچىلىقىغا ئۇچرىغان دۆلەتلەرنىڭ چۈشىنىشىگە ئېرىشەلمىدى، بۇ ئەمەلىيەتتە ياپونىيەنىڭ ئەسلا تارىخ ئۈستىدە ئويلانمىغانلىقىدىن بىلدۈرىدۇ. ياپونىيە سوتسىيال دېموكراتلار پارتىيەسىنىڭ مۇئاۋىن باشلىقى، كېڭەش پالاتا ئەزاسى فۇكۇشىما مىزۇخو مۇنداق دېدى: لۇگۇچاۋ ۋەقەسىنىڭ 78 يىللىقى يېتىپ كەلگەن پەيتتە، داڭلىق تارىخشۇناس ئالىملارنىڭ مۇھاكىمە يىغىنىغا قاتنىشىشى مۇھىم ئەھمىيەتكە ئىگە. ھازىرقى ياپونىيەگە نىسبەتەن ئېلىپ ئېيتقاندا ئەڭ مۇھىمى تارىخنى ئۆرنەك قىلىش.