جاھان ئاگېنتلىقى 25-ماي خەۋىرى؛ لەگلەك تورى تەرجىمىسى: ئىسرائىلىيەدىكى «ئوفەر» ھەربىي سوت مەھكىمىسى پەلەستىن پارلامېنت باشلىقى ئەزىز دۇۋەيىكنى12 ئايلىق قاماق جازاسىغا ھۆكۈم قىلىپ، 1 مىڭ 500 دوللار ئىقىسادى جازا بەرگەنلىكىنى ئېلان قىلدى. ئەھرار ئەسىرلەر مەركىزى ئېلان قىلغان يازما باياناتتا، «غەربى قىرغاقتا بىر پائالىيەتتە سۆز قىلغانلىقى سەۋەبىدىن پارلامېنت باشلىقى ئەزىز دۇۋەيىك ئىسرائىلىيە تەرىپىدىن سوتقا تارتىلدى، ئىسرائىلىيە ئوفەر ھەربىي سوت مەھكىمىسى دۇۋەيكنى 12 ئايلىق قاماق جازاسىغا ھۆكۈم قىلىپ، 1 يېرىم مىڭ دوللار جەرىمانە قويدى» دېيلگەن. بۇ باياناتتا مەزكۇر قارار ئەيىبلىنىپ، دۇۋەيىك قاتارلىق ئىسرائىلىيە تۈرمىلىرىدىكى بارلىق پەلەستىنلىك پارلامېنت ئ‍ەزالىرىنىڭ قويۇپ بېرلىشى چاقىرىق قىلىندى.
باياناتتا، «ئىسرائىلىيە 2006-يىلى خاماس غەلبە قىلغان سايلامدىن كېيىن مەقسەتلىك ھالدا پەلەستىن قانۇنى پارلامېنت ئەزالىرىنى نىشان قىلماقتا، پەلەستىن خەلقى ئۈچۈن خىزمەت قىلىشىغا توسقۇنلۇق قىلماقتا» دېيىلگەن.
پەلەستىن پارلامېنت باشلىقى ئەزىز دۇۋەيك ئۆتكەن يىلى 12-ئىيۇندا غەربى قىرغاقتا 3 يەھۇدىنىڭ يۇقاپ كېتىشى ۋە نەتىجىدە جەسىتىنىڭ بايقىلىشى ۋەقەسىدىن كېيىن ئىسرائىلىيە ئارمىيسىنىڭ كەڭ كۆلەملىك ھاۋا ۋە قۇرۇقلۇق ھۇجۇمى ۋە تازىلاش ھەرىكەتلىرىدە قولغا ئېلىنغان ئىدى. دۇۋەيكنىڭ سالامەتلىكى ياخشى ئەمەس بولۇپ، بۇنىڭدىن بۇرۇنمۇ بىر قانچە قېتىم ئ‍سرائىلىيە تەرەپتىن قولغا ئېلىنغان.