يەنە بىر مەسىلە، ئەھلى پەترەت مەسىلىسىدە سايرام بۇرادەرىمىز ئالدىنقى ئىنكاسىدىكى ئۇلارنىڭ ئازابتىن ئامان قالغۇچىلار ئىكەنلىكى ھەققىدىكى مۇئەييەنلەشتۈرۈشىدە ئەھلى پەترەتنىڭ ئامان قالغۇچىلار ئىكەنلىكىدىن ئىبارەت كۆپچىلىك ئالىملارنىڭ قارىشىنى ياقلىغان ۋە بۇ قاراشنىڭ سەھىھ قاراش ئىكەنلىكىنى ئالغا سۈرگەن بولسىمۇ ئەمما ئايەت بىلەن ھەدىسنى ماسلاشتۇرۇشتا مۇجتەھىد ئالىملارنىمۇ پوش دىمەستىن بىراز يەڭگىللىك بىلەن تەھلىل قىلىش سەۋەپلىك مەلۇم جەھەتتە كەتكۈزۈپ قويغان تەرەپلىرى باركەن، توغرسىنى ئىيتقاندا قەرزاۋىيدىن نەقىل ئالغان مەزمۇنلارنى چۈشىنىش ۋە تەھلىل قىلىشتا ئىدىيە توغرا بولسىمۇ تەھلىل مىتۇتى ئىلمى بولمىغان، بۇ نۇقتىدىن سايرام بۇرادەرنىڭ ھەدىسلەرنى ئايەتلەر بىلەن باغلىغاندا يەنىمۇ دىققەت بىلەن تەھلىل قىلىشىنى، ئىنچىكە نۇقتىلاردا ئالدىراقسانلىق بىلەن ھۆكۈم قىلىۋىتىشتىن ساقلىنىشقا ئەھمىيەت بىرىشىنى ئۈمىت قىلىمەن.
قارىسام بىر قىسم تورداشلار مۇشرىكلارنىڭ قەبىرسىنى زىيارەت قىلىشنىڭ رۇخسەت قىلىنغانلىق مەسىلىسى ھەققىدە بەك چىڭ تۇرۇۋالغاندەك تۇرۇسىلەر، سايرام بۇرادەرنىڭ ئىنكاسىدا بۇ ھەقتە تىلغا ئالغان مەزمۇنلار دەلىللەش جەھەتتىن سىلەر ئويلىغاندەك ئاجىز دېگىلىمۇ بولمايدۇ، ئىمام نەۋەۋىينىڭمۇ بۇ مەسىلىنىڭ جائىزلىقى توغرۇلۇق مۇسلىمغا يازغان شەرھىسىدە ئالاھىدە بايانلىرى بار، شۇڭا بۇ جەھەتتىمۇ سايرام بۇرادەرنىڭ ئىنكاسىغىلا قاراپ قالماي بۇ ھەقتە كۆپچىلىك مۇجتەھىد ئالىملارنىڭ پىكرىگە ئوبدانراق مۇراجەت قىلىپ كۆرىشىڭلارنى تەۋسىيە قىلىمەن.
