100ياشلىق «بەڭگە» 290 مىڭ تاماكىنى چېكىپ بولدى

　　 100ياشلىق «بەڭگە» 290 مىڭ تاماكىنى چېكىپ بولدى ئەنگىلىيە «كۈندىلىك پوچتا گېزىتى»، «كۈندىلىك ئەينەك گېزىتى» نىڭ 25-سېنتەبىر خەۋەر قىلىشىچە، ئەنگىلىيە 2-دۇنيا ئۇرۇشىغا قاتناشقان پېشقەدەم جەڭچى ئارزۇر.لانگلان مۇشۇ يېقىندا 100 ياشقا تولغان قۇتلۇق كۈنىنى تەبرىكلىگەن. ئارزۇرنىڭ ئۇزۇن ئۆمۈر كۆرىشىدىكى سىر نۇرغۇن كىشىنى ھەيران قالدۇرىدۇ. چۈنكى ئۇ كۈندە تاماكىنى «تالىشىپ» چېكىدىغان «بەڭگە» بولۇپ، 20 ياشتىن باشلاپلا، كۈندە ئاز دېگەندىمۇ 10 تال تاماكا چەككەن. بۈگۈنگە قەدەر ئۇ 292 مىڭ تاماكىنى چىكىپ بولغان بولۇپ، ئۇ يەنە ئۇخلاشتىن بۇرۇن بىر ئىستاكان ۋىسكىي ھارىقىنى ئىچىدىكەن. ئۇ بۇ خىل ئادىتىنى ئۇزۇندىن بۇيان داۋاملاشتۇرۇپ كېلىۋاتقان بولۇپ، نەچچە يىلدىن بېرى ئۇ ئىچىپ تۈگەتكەن ۋېسكىي ھارىقىنىڭ بوتۇلكىسى 900 گە يەتكەن. ئارزۇرنىڭ بۇرۇنقى تۇرمۇشى ناھايىتى بەخىتسىزلىك ئىچىدە ئۆتكەن. يەنى ئۇ تۇغۇلۇپلا يىتىم بالىغا ئايلىنىپ قالغان بولۇپ، 14 ياش ۋاقتىدا ئەنگىلىيەدىكى بىر بالىلار پاراۋانلىق ئورنى تەرىپىدىن كانادادىكى بىر دېھقانچىلىق مەيدانىغا ئىلىپ بېرىلىپ ئىشلەمچى بولۇپ ئىشلىگەن. 1940-يىلى ئەنگىلىيەگە قايتىپ كېلىپ، ھەربىي سەپكە كىرىپ، 2-دۇنيا ئۇرۇشىغا قاتناشقان. ئۇرۇش مەزگىلىدە ئىشلىتىلگەن قول بومبىلىرى ئۇنىڭ قولىنىڭ تېرىسىنىڭ قات-قېتىغا «يوشۇرۇنغان». داۋالغۇپ تۇرغان تۇرمۇش ئارزۇرغا نۇرغۇن بېسىملارنى ئىلىپ كەلگەن. شۇڭا ئۇ تاماكا چېكىشتىن ئىبارەت ئادىتى بىلەن ئۆزىدىكى بېسىملارنى يېنىكلىتىپ كەلگەن. 20 ياشتىن باشلاپ تاماكا چېكىشنى باشلىغان ئارزۇر بىر چېكىش بىلەن 80 يىل ئۈزۈلدۈرمەي تاماكا چەككەن. بىراق تاماكا جانغا زامىن بولسىمۇ، ئۇ تا ھازىرغىچە ناھايىتى سالامەت كېتىۋاتقان. تاماكا كەلتۈرۈپ چىقارغان ئەگەشمە كېسەللىكلەرمۇ كۆرۈلمىگەن. ئەنگىلىيەلىك دوختۇر ئۇنىڭ بۇ خىل ئادەتتىن تاشقىرى ئىممۇنىتېت كۈچىدىن ھەيران قالغان. شۇنداقلا ئۇنىڭ ئەمدى تاماكىنى تاشلىمىسىمۇ بولىدىغانلىقىنى ئېيتقان. بەزى تورداشلار ئۇنىڭ ئۇزۇن ئۆمۈر كۆرىشىدىكى سەۋەپنى گېنغا مۇناسىۋەتلىك بولىشى مومكىن، دېيىشكەن.

خەتكۈچلەر:

ئىز تورى-爱智网

100ياشلىق «بەڭگە» 290 مىڭ تاماكىنى چېكىپ بولدى