كىم رۇسىيىنىڭ كېيىنكى نۆۋەتلىك زۇڭتۇڭى بولىدۇ؟ غەرب تاراتقۇلىرى ھەدەپ خەۋەر قىلىۋاتقان بۇ مەسىلە ھازىر ھەممىمىزگە ئايان بولدى. رۇسىيىدىكى ھاكىمىيەت يۈرگۈزۈۋاتقان پارتىيە-بىرلىككە كەلگەن رۇسىيە پارتىيەسى 6-ئۆكتەبىر كېيىنكى ئايدا پۇتىننى كېلەر يىللىق زۇڭتۇڭ سايلىمىنىڭ نامزاتى قىلىپ رەسمىي كۆرسىتىدىغانلىقىنى ئېيتتى. ھاكىمىيەت يۈرگۈزۈۋاتقان پارتىيە رەسمىي قارار قىلمىغان تەقدىردىمۇ، زۇڭتۇڭنىڭ بۇنىڭدىن ئىلگىرى پۇتىننى زۇڭتۇڭ سايلىمىغا كۆرسىتىش تەكلىپى قىزىق خەۋەر بولغانىدى. روسىيەلىكلەرگە مەلۇم، 2000-يىلىدىن 2008-يىلىغىچە بولغان كۈچلۈك زۇڭتۇڭ، ھازىرقى زۇڭلى پۇتىن كېلەر يىلى 3-ئايدا ئۆتكۈزىلىدىغان زۇڭتۇڭ سايلىمىغا قاتنىشىپ، يەنە بىر قېتىم زۇڭتۇڭ بولۇشى مۇمكىن. پۇتىننىڭ يەنە بىر قېتىم زۇڭتۇڭ بولۇشىدىن خاتىرجەمسىزلەنگەن غەرب ئەللىرىمۇ شۇنى ئېتىراپ قىلىدۇكى، دۆلەت ئىچىدە قوللاش نىسبىتى ئىنتايىن يۇقىرى، چەتئەللەردە تالاش-تارتىش قوزغاۋاتقان داڭلىق سىياسىيون بولۇش سۈپىتى بىلەن، پۇتىن يەنە بىر قېتىم رۇسىيىنىڭ زۇڭتۇڭى بولۇپ، رۇسىيە روھىنى نامايان قىلىدىغان دۆلەت رەھبىرىگە ئايلىنىدۇ.
بۇ مەزمۇن ئىز تورىدىن كۆچۈرۈلگەن
رۇسىيە پۇتىنغا مۇھتاج. پۇتىن روسىيەلىكلەرگە مىللىي گۈللىنىش ئۈمىدى ۋە ئىپتىخارلىق تۇيغۇسى ئاتا قىلىپ، رۇسىيىلىكلەرنىڭ قايتىدىن باش كۆتۈرۈپ، يەنە شانلىق نەتىجىلەرنى يارىتىدىغان كۈچلۈك دۆلەت قۇرۇش ئارزۇسىنى ئۇرغۇتتى. رۇسىيىلىكلەر شۇنى ئۇنۇتمايدۇكى، پۇتىن ئىچكى داۋالغۇش، ئىقتىسادىي كاساتچىلىق، رۇسىيىنىڭ خەلقئارادىكى ئورنى تۆۋەنلەپ كېتىش، يۈزى تۆكۈلگەن يېلتسىن دەۋرىگە خاتىمە بېرىپ، چېچىن باندىتلىرىنى بىتچىت قىلغان، سىياسەت مۇقىم بولغان، ئىقتىساد گۈللەنگەن پۇتىنچە يولنى ئاچقان. رۇسىيىلىكلەر يېلتسىننىڭ يۆنۈلۈشتىن ئېزىپ، غەربكە ئۆزىنى ئاتقانلىقىدەك ئاچچىق ساۋاقنى ئۇنتۇمايدۇ، ئۇلار پۇتىننىڭ غەربتىكى كۈچلۈك دۆلەتلەر ئالدىدا نامايان قىلغان ئىرادىلىك ئەركەك بولۇش ئوبرازىنى قەدىرلەيدۇ، پۇتىننىڭ دادىللىق بىلەن ئىش قىلىش ئۇسلۇبى ۋە قەتئىي تەۋرەنمەس خاسلىقىغا ھۆرمەت قىلىدۇ. روسىيەلىكلەرگە ئايانكى، پۇتىن نېمىشقا غەربلىكلەر ئالدىدا قاتتىق قول بولالىدى؟ چۈنكى پۇتىن ھېسسىياتقا باي، ئۇنىڭ ئىرادىسى كۈچلۈك، ئۇ رۇسىيىنىڭ چوڭ دۆلەتلىك ئورنىنى، رۇسىيىنىڭ ئالدىنقى قاتاردىكى كۈچلۈك دۆلەتلىك سالاھىيىتىنى ئەسلىگە كەلتۈرۈشكە ئىرادە باغلىغان. رۇسىيىلىكلەر دۆلىتىنىڭ كۈچلۈك، رەھبىرىنىڭ دانا بولۇشىنى ئارزۇ قىلىدۇ. پۇتىن خۇددى ئەينەككە ئوخشاش، رۇسىيىلىكلەرنى ئۆزىنىڭ ئىچكى دۇنياسىدىكى ئىنتىلىشنى كۆرۈۋېلىش ئىمكانىيىتىگە ئىگە قىلدى، شۇنىڭ بىلەن پۇتىن رۇسىيىلىكلەر قەلبىدىكى قەھرىمانغا ئايلاندى.
پۇتىننىڭ ئاۋامنىڭ ھىمايىسىگە ئېرىشىشىدە يەنە بىر مۇھىم سەۋەب بار، ئۇ ھېچنىمىدىن قورقۇپ قالمايدۇ، ئۇ ئاۋام مەنپەئەتىنىڭ جارچىسى بولالايدۇ. پۇتىن زۇڭتۇڭ بولغان مەزگىلدە، رۇسىيىنىڭ سىياسىي ۋەزىيىتى مۇقىم بولدى، ئىقتىسادىي گۈللەندى، دۆلەت كۈچى ئاشتى، خەلق باي-باياشات تۇرمۇشقا ئىگە بولدى. «مىللىي ئىشلەپچىقىرىش ئومۇمىي قىممىتى بىلەن مىللىي دارامەت تەڭ ئاشتى» دېگەن گەپ-سۆزلەر رۇسىيە ئاممىسىنىڭ ئۇنتۇلغۇسىز گۈزەل ئەسلىمىسىگە ئايلاندى. پۇتىن يەنە دۆلەت قىيىنچىلىققا ئۇچرىغاندا توپىلاڭدىن توغاچ ئوغرىلاپ ئۆزىنى بېيىتىش كويىدا بولغان مۇشتۇمزورلارنى تارمار قىلىپ، ئاۋامنىڭ غەزىپىنى پەسەيتىپ، خەلقنىڭ ئاچچىقىنى چىقىرىپ قويدى. رۇسىيىلىكلەر شۇنىڭغا ئىشىنىدۇكى، پۇتىن چوقۇم زۇڭتۇڭ بولىدۇ، ئۇ سايلام ئۈچۈن ۋاقىت، پۇل، زېھنىنى سەرپ قىلمىسىمۇ بولىدۇ. چۈنكى ئۇ ئاللىبۇرۇن ئاۋامنىڭ ئىشەنچىسىگە ئېرىشكەن.
ئىز تورى www.iz.la
غەرب پۇتىنغا «تىزگىنلىنىدىغان دېموكراتىيە»، «كۈچلۈكلەر دۆلەتنى ئىدارە قىلىش»نى يولغا قويدى، دەپ ھۇجۇم قىلىدۇ، لېكىن رۇسىيە خەلقى پۇتىن مۇقىملىق، تەرەققىيات، تەرتىپتىن دېرەك بېرىدۇ، دەپ قارايدۇ. رۇسىيىلىكلەرنىڭ قارىشىچە، تەرتىپ بولمىسا، ياخشى دېموكراتىك جەمئىيەت، ياخشى بازار ئىگىلىكى دېگەنلەردىن سۆز ئېچىش مۇمكىن ئەمەس. دېموكراتىك جەمئىيەت دۆلەتنىڭ كۈچ-قۇدرىتىدىن ئايرىلالمايدۇ. دېموكراتىيە ئىجابىي كۈچ، ئۇ دۆلەت روھىغا زىت بولماسلىقى كېرەك. كىشىلەر شۇنىڭغا ئىشىنىدۇكى، پۇتىندەك رەھبەرلەر، ساپالىق خەلق، يۇقىرى پەن-تېخنىكا ئىختىساسلىقلىرى رۇسىيەگە مۇقىم تەرەققىيات، دۇنياغا تەرەققىي قىلىش مۆجىزىسى ئېلىپ كېلىدۇ.
ئىز تورى www.iz.la
پۇتىن رۇسىيىنىڭ كېيىنكى نۆۋەتلىك زۇڭتۇڭى بولىدۇ. پۇتىن زۇڭتۇڭ بولۇش سۈپىتى بىلەن تېخىمۇ ئەمەلىيەتچىل بولۇپ، ئۆزىگە تېخىمۇ ئىشىنىپ، تېخىمۇ شىجائەت بىلەن ئىقتىسادنى تەرەققىي قىلدۇرۇشقا تېخىمۇ ئەھمىيەت بېرىدۇ. گۈللىنىشكە قاراپ ماڭغان رۇسىيىگە نىسبەتەن، سەل قاراشقا بولمايدىغان مۇھىم مەسىلە-مۇقىم ۋە ئىجابىي رۇسىيە -جۇڭگو مۇناسىۋىتىنى راۋاجلاندۇرۇش. شۇنىڭغا ئىشىنىمىزكى، پۇتىن رۇسىيە-جۇڭگو مۇناسىۋىتىنى ئومۇميۈزلۈك راۋاجلاندۇرۇشقا كۈچ چىقىرىپ، جۇڭگو-رۇسىيە مۇناسىۋىتىنى تېخىمۇ يۈكسەلدۈرىدۇ.
ئىز تورىدا ئىزلىرىمىز قالسۇن!
