كەچ سائەت 5 لەردىن ئاشقان ۋاقىت.... مەن ئالدىرىغان ھالدا، تىز سۈرئەتلىك تاش يولدا ئۇچقاندەك كېلىۋاتقان بىر كىرا ماشىنىسىنى توسىدۇم، مەقسىدىم پەقەت ۋە پەقەت بىرلا، يەنى ئۇ بولسىمۇ بالدۇرراق مەكتەپ قوروسىغا قەدەم بېسىپ، مۇئەللىمىمنىڭ بىھۇدە كايىشىدىن قوتۇلۇش، بىر ھەپتىلىك كۈنۈمنى خۇشال ھەم خاتىرجەم ئۆتكۈزۈش....
تەلىيىمگە ماشىنا شۇپۇرىنىڭ ماڭا ئىچى ئاغرىپ قالدىمۇ ۋە ياكى باشقا بىر سەۋەبلەر بارمىكىن توسىغان ماشىنامنىڭ ئىچىدىن بىرى توختاپ قالدى. كۆڭلۈمدە شۇنچە خۇشال بولۇپ كەتتىم، شوپۇرغا مەكتەپنىڭ ئىسمىنى دەۋەتكەندىن كىيىن، قوللىرىمدىكى ئېغىر نەرسە-كېرەكلىرىمنى تەستە يىغىشتۇرۇپ، ئۇھ دېيىشكە ئارانلا ئۈلگۈردۈم. ئەمدىلىكتە، ماشىنا ئىچىگە سەپ سېلىشقا باشلىدىم، ماشىنىدا شوپۇر بىلەن قوشقاندا جەمئىي 5 ئادەم ____ ئىككى ئەر، ئۈچ ئايال بار ئىدى. مانا بىر مىنۇت ئۆتۈپ ئىككىنچى مىنۇتى تېخى توشماي تۇرۇپلا، مەن ماشىنا ئىچىنىڭ غەلىتە پۇراقلار بىلەن تولۇپ كەتكەنلىكىنى ھېس قىلدىم، بۇ نېمە پۇراق؟ ھە بىلدىم، ھاراق!!
www.iz.la
ئاپلا، ئەجىبا شوپۇر ھاراق ئېچىپ ماشىنا ھەيدىگەندىمۇ؟ ۋە ياكى شوپۇرنىڭ يېنىدا ئولتۇرغان ئاۋۇ ياش بايۋەتچىنىڭ قىلغان قىلقىمۇ يا بۇ؟ نېمىلا بولسا بولسۇن، مەن بالدۇرراق مەكتەپ ئالدىغا بېرىۋالسام بولاتتىغۇ؟ مانا مۇشۇنداق گادىرماچ خىياللار بىلەن ئولتۇراتتىم، تۇيۇقسىز يېنىمدىكى يۈز-كۆزلىرىنى بوياق تۇڭىدىن چىققاندەك بويۇۋالغان خېنىمنىڭ ۋارقىراپ-جارقىرىشى خىيالىمنى بۆلدى. پەرزىمچە بۇ خېنىم 18-19 ياشلاردا ، بىراق ئۇنىڭ يېشىغا ماس كەلمىگەن تەرەزدە كىيىنىشى، ئالاقزادىلىك ئىچىدە، بىر قولى بىلەن شوپۇرنى ماشىنىنى توختىتىشقا شەرەتلەپ، يەنە بىر قولىدا، ھە دەپ كىچىككىنە سومكىسىدىن بىر نەرسىلەرنى ئاقتۇرۇشلىرى مېنىڭ دىققىتىمنى ئۆزىگە تارتتى، شۇنىڭ بىلەن مەكتەپكە بالدۇرراق بېرىشنىمۇ ئۇنتۇپ، بۇ قىز بىلەن ئۇنىڭ يېنىدىكى دوستىغا نەزەر سېلىشقا باشلىدىم.
بىز ھەممىمىز ئىز تورىنى ياخشى كۆرىمىز!
ماشىنا ئەنسىزلىك ئىچىدە، يول ياقىسىدا توختىتىلدى، ئىككى قىزچاق بىر-بىرىنىڭ كەينىدىن ناھايىتى تېزلىكتە چۈشتى، مېنىڭ يېنىمدىلا ئولتۇرغان ئاۋۇ قىزچاق بىر نەرسىلەرنى ياندۇرۇپ، ھۆ قىلىپ يول بويىدا بىر دەم تۇرغاندىن كىيىن، يەنە ماشىنىغا چىقتى. ماشىنىغا چىقىش بىلەنلا، ئۇلارنىڭ بىر-بىرى بىلەن قىلىشقان سۆزلىرى قۇلىقىمنىڭ دىققىتىنى ئۆزىگە تارتتى بولغاي، يەنە ئاڭلىماسلىققا تېگىشلىك گەپلەرنى ئاڭلاپ قالدىم.
__ ئاداش، بۈگۈن ئولتۇرغان سورۇندىكى ھېلقى سېرىقراق يېگىت قانداقراقكەن؟
__ بۈگۈن ئۇنىڭ بىلەن تازا ئېچىشتىڭ، ئۆزۈڭ بىلەرسەن قانداقراقلىقىنى؟ بۇ مەزمۇن ئىز تورىدىن كۆچۈرۈلگەن
__ مېنىڭغۇ يەنە داۋاملىق ئېچكۈم بار ئىدى، بىراق ئاكام دېگەن ھارىمى تېلفۇن قىلىۋېرىپ......
__ تىلفۇن نۇمىرىڭنى ئالماشتۇرىۋەتسەڭ ياكى ئىتىۋالساڭ بولمامدۇ؟
__ بوپتىلا، كەتسە كەتمەمدۇ... كەچتىكى ئولتۇرۇشقا كېچىكىپ قالمىساقلا بولاتتىغۇ؟ ......
ئۇلارنىڭ گەپ-سۆزلىرىنىڭ ئاخىرىنى ئاڭلاشقا پەقەتلا تاقىتىم قالمىدى، ئەمدى كاللامدا ئويلايدىغىنىم" دۇنيا نېمە بولۇپ كېتىۋاتىدۇ ھە؟ بىزنىڭ ئۇيغۇر قىزلىرىمىزچۇ؟ ئوغۇللار ئېچسە بوپتۇ دېدۇق، ئەمدى قىزلىرىمىزنىڭ ئېچكىنىگە نېمە دەيمىز؟ ...." دېگەنلەردىن ئىبارەت بولدى خالاس.
شوپۇرنىڭ كەينى- كەينىدىن: " __ سىڭلىم، سىڭلىم...." دەپ چاقىرىشى مېنى خىيال دەرياسىدىن تارتىپ چىقاردى، بېشىمنى كۆتۈرۈپ، نېمە دەيسىز دېگەن مەنىدە ئۇنىڭغا قارىدىم.
بۇ مەزمۇن ئىز تورىدىن كۆچۈرۈلگەن
شوپۇرنىڭ چىرايىدىن بىر خىل ئۈمىدسىزلىك چىقىپ تۇراتتى، ئۇ نۇرسىز كۆزلىرىنى ماڭا تىككىنىچە:" __ سىڭلىم، سىز نەدە چۈشۈپ قالاتتىڭىز؟" دەپ سورىدى.
مەنبە: كۆڭۈل خاتىرەم
خەتكۈچلەر:
