ئىز تورى-爱智网

　　   جۇڭگو ئۇيغۇرچە رادىيو تورى 10-ئىيۇل بېيجىڭ خەۋىرى:  ساقچى دائىرىلىرى 8-ئىيۇلدىن باشلاپ كۆپ خىل تەدبىر قوللىنىپ، تۈنۈگۈن قانۇنسىز يىغىلىش ئۆتكۈزۈشنىڭ ئالدىنى ئالغان بولسىمۇ، ئەمما مالايسىيانىڭ پاكىز ۋە ئادىل سايلام ئۆتكۈزۈش ئىتتىپاقى ساقچى دائىرىلىرىنىڭ قاتتىق ئاگاھلاندۇرۇشىغا قارىماستىن، ساقچى دائىرىلىرىنىڭ ھەر خىل توسالغۇلىرىنى بۇزۇپ تاشلاپ، تۈنۈگۈن ئون مىڭ كىشىلىك ئاممىۋى يىغىلىش ئۆتكۈزدى. تۈنۈگۈن چۈشتىن كېيىن سائەت 2 گە قەدەر، ساقچى دائىرىلىرى پارتىيە سىرتىدىكى مىللىي ئىتتىپاقنىڭ داھىيسى ۋە پارلامېنتنىڭ ئەزالىرىنى ئۆز ئىچىگە ئالغان 540 كىشىنى تۇتتى. ساقچى دائىرىلىرى ئوت ئۆچۈرۈش ماشىنىسىنى ئىشقا سېلىپ، يۇقىرى بېسىملىق سۇ مىلتىقى بىلەن نامايىشچىلارنى قوغلىدى. مالايسىيا پاكىز ۋە ئادىل سايلام ئۆتكۈزۈش ئىتتىپاقى تۈنۈگۈن سېرىق مايكىلىقلار نامايىشى ئۆتكۈزۈپ، كەلگۈسى چوڭ سايلامنىڭ ئادىل ۋە پاكىز مۇھىت ئىچىدە ئۆتكۈزۈلۈشىنى قولغا كەلتۈرۈشنى پىلانلىغان ئىدى. ئەمما مالايسىيا ھۆكۈمىتى ئىزچىل بۇنى تەستىقلىمىدى ھەمدە بۇ ئىتتىپاقنى قانۇنسىز تەشكىلات دەپ جاكارلىدى. بۇ ئىتتىپاق بۇنىڭغا پەرۋا قىلمىدى.