ئامېرىكا دۆلەت مۇداپىئە مىنىستىرى پانىتا ئامېرىكىنىڭ شەرقى قىسىم ۋاقتى 18-دېكابىر سائەت 6:59 لەر ئەتراپىدا(بېيجىڭ ۋاقتى 18-دېكابىر 19:59 )دا ھۆكۈمەت تەرەپ ھۆججىتىنى ئىمزالاپ،ئىراق ئۇرۇشىنى رەسمىي ئاياقلاشتۇرغان.شۇ كۈنى بۇندىن بۇرۇنراق ئەڭ ئاخىرىقى بىر تۈركۈم ئامېرىكا ئارمىيىسى قىسمى ئىراقتىن ئايرىلىپ كۇۋەيت چىگىرىسىغا كىرگەن.
   ئامېرىكا ئارمىيىسى ئەمدىلا كەتتى،ئىراق ئىچكى ئىشلار مىنىستىرلىقى مۇئاۋىن زۇڭتۇڭ تارىك ھاشىمغا تۇتۇش بۇيرۇقى چىقاردى،زۇڭلى نۇرى مالىك 18-دېكابىر پارلامېنتقا مۇئاۋىن زۇڭلى سالىھ مۇتىلاكقا بولغان ئىشەنچىسىنى يوقاتقانلىقىنى ئېيتتى.
   بۇندىن ئىلگىرى ھاشىم ۋە مۇتىلاكقا قاراشلىق سىياسىي لاگىر‹‹ئىراق تىزىملىكى››نى ئەمدىلا جاكارلاپ،پارلامېنت ئىشلىرىغا قاتنىشىشنى ۋاقتىنچە توختىتىپ،مالىكنىڭ پارلامېنتتا مالىكنىڭلا گېپى گەپ بولۇشىغا قارشى تۇرغان ئىدى.
   ئىراق ئاخبارات ۋاستىلىرى 18-دېكابىر ئىچكى ئىشلار مىنىستىرلىقىنىڭ مۇئاۋىن زۇڭتۇڭ ھاشىمغا بولغان تۇتۇش بۇيرۇقىنى ئالدىنقى ئايدا پايتەخىت باغداتتا يۈز بەرگەن‹‹يېشىل رايۇن››دىكى بىر قېتىملىق ئەمەلگە ئاشمىغان بومبا بىلەن ھوجۇم قىلىش ۋەقەسىگە چېتىشلىق دېگەن.
   ‹‹يېشىل رايۇن››نىڭ ئىگىلىگەن يەر كۆلىمى تەخمىنەن 10 كۋادرات كېلومېتىر بولۇپ،ئىراق ھۆكۈمىتى ۋە ئامېرىكا ئەلچىخانىسى قاتارلىق تارماقلارنىڭ تۇرۇشلۇق جايى،قاتتىق چەكلەنگەن رايۇن ھېسابلىنىدۇ.
   ھوجۇم نىشانى مالىك ۋە خەلق پارلامېنتىنىڭ باشلىقى ئۇساما نۇجېف.ئىراق بېخەتەرلىك ئەمەلدارىنىڭ سۆزىگە ئاساسلانغاندا پارتىلاتقۇچ ماتىرىيالى ‹‹يېشىل رايۇن››غا ئەكىرىلىپ قۇراشتۇرۇلغان ۋە بالدۇر پارتىلاپ كېتىپ بەلگىلەنگەن مەقسەتكە يېتەلمىگەن.
   قاتار يېرىم ئارال تېلېۋېزىيە ئىستانىسى مۇنۇلارنى خەۋەر قىلدى:ھاشىم يېقىندا مالىكنى تەنقىتلەيدىغان سۆزلەرنى قىلغان.ھاشىم ئاخبارات ۋاستىلىرىنىڭ زىيارىتىنى قوبۇل قىلغاندا مۇنداق دېگەن:مالىكنىڭ بېخەتەرلىك سىياسىتى لايىقىدا ئەمەس،پارتىيەلەر ئارا ئىلگىرى ھاسىل قىلىنغان ھوقۇقتىن بەھرىلىنىش كېلىشىمىنىڭ پەقەت قۇرۇق نامىلا بار خالاس. 
   فىرانسىيە ئاخبارات ئاگېنتلىقى 18-دېكابىر مالىكنىڭ ئاخبارات مەسلىھەتچىسى ئالى مۇسايىفنىڭ سۆزىنى نەقىل كەلتۇرۇپ مۇنداق دېدى:مۇتلاق ئىلگىرى زىيارەتنى قوبۇل قىلغاندا‹‹مالىك سابىق زۇڭتۇڭ سادام ھۇسەيىندىنمۇ ئوسال،ئۇ ئالدىدا بىر قۇرۇلۇشچى ئىدى،ئەمما كېيىن ھېچقانداق ئىش قىلمىدى.