ئارتۇچ ؛ ياخشىلىق

ئارتۇچ

	ياخشىلىق ( مۇخەممەس ) ئادىمىيلىك زىننىتى شانۇ - شەۋكەت ياخشىلىق ، چىن ھاياتلىق بەلگىسى ئۇلۇغ ھىممەت ياخشىلىق ، گۈل ئۆمۈرنىڭ لەززىتى چەكسىز بەركەت ياخشىلىق ، ھەق يولىدا مەزمۇت تۇغ ئۈمىد - مەدەت ياخىشلىق ، تارىخ ئىزى  ، شاھىدى  بۈيۈك شۆھرەت ياخشىلىق  . كۈللى جانلار كۆز ئېچىپ بەخىت ئىزلەپ يول ئاچقان ، خەتەر قىسمەت ، مەنزىلدە ياۋنى يېڭىپ قۇت تاپقان ، مېھرى -ۋاپا ياغدۇرۇپ  دىلى كۈندەك نۇر چاچقان ، رىشتىسىنى  زاماننىڭ  - زامانلارغا  چىڭ چاتقان ، مەۋجۈتلىقنىڭ يىلتىزى  قەدىر - قىممەت ياخشىلىق . ھەر بىر گىياھ  تاش  - قۇمدا مۇھەببەتنىڭ ئىزى بار ، ھەر بىر جاندا ئوخشىغان ھەقىقەتنىڭ قېنى بار  ، ھەر كۆڭۈلنى يورۇتقان ئەدەب -ئەخلاق ئېڭى بار ، قالۇر ھەممە ، زەر ساراي  ... كەتكېنىدە نېمە بار ، ئىنسانىيلىق تاجىدۇر  زور سەلتەنەت ياخشىلىق . جاھان ۋەسلى تۆت كۈنلۈك شۇم ئەجەلنىڭ كۆزى يوق ، قۇرۇق كەلگەن ھەممىمىز  كېتىشىمىز قۇپقۇرۇق ، تىرىكچىلىك مەنزىلى ئارمان بىلەن يوپيۇرۇق  ، نام - ئەمەللەر قوينىدا شېرىن چۈشنىڭ تېڭى يوق ، پاك كۆڭۈللەر تۆرىدە  قۇت  ، ھىدايەت ياخشىلىق . ھالال مىھنەت ئىزىدىن چېچەكلەيدۇ تاغۇ - تاش  ، پاك نىيەتتىن ، ساپ دىلدىن نۇر چاچىدۇ ئۇز قۇياش ، ئىلىم - ھېكمەت  رىشتىدىن يۈرەكلەردە شاتلىق ياش ، چىن سۆيگۈنىڭ مېھرىدىن ھەممىگە يار شات ياشاش ، سەيناسىدا ھاياتنىڭ  ئېسىل خىسلەت ياخشىلىق . ياخشىلىقتىن كۈلگەي ئەل كۈلگەي جىمى مەۋجۈدات ، ئاسايىشلىق ، ئىناقلىق  قۇت كۆكىدە جۈپ قانات  ، ھالاۋەتنىڭ پەيزىگە چۈمگەي ھامان  گۈل ھايات ، پاكلىق ،  بەخىت كۈيىگە جۈر  بولىدۇ  كائىنات  ، زور كامالەت ، دىيانەت  ، ساپ پەزىلەت ياخشىلىق . ‹ گۇما دىيارى مۇكاپاتلىق ئەسەرلەر › سەھىپىسىگە سۇنۇلغان ئەسەر .

shaidayi

	«ياخشىلىق» ھامان ئولۇغ، كىشلەرنىڭ قەلبىدىن مېھرى ۋاپا-كۈتۈرلۈپ كېتىۋاتقان مۇشۇ كۈنلەردە ناھايىتى ئەھمىيەتلىك تېمىدا قەلەم تەۋرىتىسپز، يەنە تېخى گۇما دىيارىنىڭ مۇكاپاتلىق پائالىيتىگە قاتناشتۇرۇپسىز، سىزگە ئامەت يار بولسۇن !

ئۈمىدجان قادىرى

	مۇبارەك بولسۇن!دىيارىمىز مۇنبىرى سىزنى قارشى ئالىدۇ.

ئۆزھال

	تەۋرىنىپ كەتكەندە بىز تىلىمىز زەھەر بىلەن گەريامانلىق.شەيتان بىلەن ئاچتى قۇيۇن قىل ھەزەر خۇشخۇي تۇرۇپ كۈلگەن بىلەن يامانلىق  كۆپ بولسىمۇ ياخشىلىق  ئەگمەس بۇيۇن

ئۆزھال

	نىمە  ئۈچۈن  شۇنداق  ياخشى  ئەسەرلەرگە  ئىنكاز  يېزىلمايدىكىنە...........

ئىمانگۈل

	ياخشى بولماق مىڭ يىلچىلىك ، يامان بولماق بىر دەمچىلىك  ، ياخشى بولۇش ئۈچۈن ماڭغان يولدىن قايمايمىز قىلچىلىك .   ھۇزۇرلاندىم ، مەدەتلەر بولسۇن . ئامەت بىللە بولسۇن !

yultuz

	بەك ياخشى يىزىپسىز ، قەلەم تۇلپارلىرىڭىز ھارمىغاي!مەن دەل شۇنداق ئەسەر، شۇنداق ئىش-پائالىيەتلەرگە بەك ئامراق.

تامچە

	ئومومى جەھەتتىن شۇنداق ياقتۇردۇم،بەزى سۆزلەرنى چۈشىنەلمىگەننى ھىساپقا ئالمىغاندا.